Mu ye kwa litaba za mwahali

Mu ye kwa litaba za mwahali

Lipuzo Ze Zwa kwa Babali

Lipuzo Ze Zwa kwa Babali

 Lipuzo Ze Zwa kwa Babali

Daniele n’a li kai Maheberu ba bañwi ba balalu ha ne ba likilwe fapil’a siswanisotuna sa n’a tomile Nebukadenezare mwa libala la Dura?

Bibele ha i talusi, kacwalo ha ku na mutu kacenu ya kona ku fa bupaki bwa kwa n’a inzi Daniele ka nako yeo ya tiko.

Ba bañwi ba akalelize kuli situlo sa Daniele kamba matohonolotuna a n’a na ni ona fapil’a Nebukadenezare ne li a matuna ku fita a bo Shadrake, Meshaki, ni Abedi-Nego ni kuli Daniele kacwalo n’a siyo mwa tamo ya ku ya kwa libala la Dura. Daniele 2:49 ya bonisa kuli Daniele ka nakonyana n’a na ni situlo se situna ku fita litulo za balikani ba hae ba balalu. Kono ha lu koni ku paka kuli seo ne si mu lukuluzi kwa ku kopana ni ba bañwi fapil’a siswaniso seo.

Ka ku lika ku talusa libaka Daniele ha n’a bile siyo, ba bañwi ba bulezi kuli mwendi n’a lumilwe ko kuñwi kamba kuli n’a kula mi kacwalo n’a sa koni ku fumaneha teñi. Kono Bibele ha i buleli cwalo. I be kuli ne li cwañi, kezo ya Daniele i lukela ku ba ye ne sa koni ku nyazwa, kakuli kambe ne ku li cwalo, u zibe makwambuyu ba Mababilona ba ba muna ne ba ka be ba itusisize yona kwa ku mu munjula. (Daniele 3:8) Pili ni hamulaho wa kezahalo yeo, Daniele n’a bonisize kuli ki musepahali, ili ku sepahala ku Mulimu ku si na taba ni miliko ya n’a talimani ni yona. (Daniele 1:8; 5:17; 6:4, 10, 11) Kacwalo, Bibele niha i sa fi libaka Daniele ha n’a siyo kwa libala la Dura, lwa kona ku sepa kuli n’a sepahala ka ku tala ku Jehova Mulimu.—Ezekiele 14:14; Maheberu 11:33.