Mu ye kwa litaba za mwahali

Mu ye kwa litaba za mwahali

Ze Ezahala mwa Lifasi

Ze Ezahala mwa Lifasi

 ZE EZAHALA MWA LIFASI

Lifasi

Ku felisa tala ha ku si ka itinga feela fa ku lima lico ze ñata. Ku kulubelwa kuli balimi kacenu ba kutulanga lico ze ñata ze kona ku fepa batu ba 12 bilioni, ili palo ye fitelela ka 5 bilioni palo ya batu ba ba pila mwa lifasi kacenu. Butata bwa tala bu tahiswa sihulu ki mabaka a kuli batu ba batanga ku panga polofiti, lico a li abelwangi hande, mi ze ñwi za i sinyehelanga feela.

Britain ni United States

Mwa patisiso ye ne ezizwe kwa batu ba ba beleka mwa libaka ze bona za masheleñi ne ku fumanwi kuli ibato ba 24 pesenti ya beleki bao ne ba lumela kuli, “ba tokwa ku loba milao kuli ba kondise.” Mi 16 pesenti ya bona ne ba lumela kuli ne ba ka loba mulao “haiba ha ne ba ka eza cwalo ne ba si ke ba swaliwa.”

Argentina

Mwa Argentina, mwahalaa baluti ba ketalizoho baluti ba balaalu ba kupanga ku pumula kabakala kuli ba ikutwanga ku zwafa kamba kabakala mifilifili ye banga teñi kwa musebezi.

South Korea

Mwa South Korea ku tuha ku ba ni batu ba bañata ba ba pila ba nosi.

China

Ku akalezwa kuli buñata bwa litolopo za mwa China li ka palelwa ku latelela milao ye tomilwe ki muuso ye ka kala ku beleka ka silimo sa 2016, ya ku bukeleza moya o munde. Ku zwa fo, mezi a ku nwa a zwelelanga mwa mubu a ngiwa kuli ki a “maswe kamba a maswe hahulu.”

[Manzwi a bañi ba siswaniso 3]

Fahalimu: © Fernando Moleres/Panos Pictures; Kwatasi: © Natalie Behring/Panos Pictures