Mu ye kwa litaba za mwahali

Mu ye kwa litaba za mwahali

 TUTO 19

Kuikataza Kufita Bateelezi Kwa Lipilu

Kuikataza Kufita Bateelezi Kwa Lipilu

Liproverbia 3:1

LITABA KA BUKUSWANI: Mutuse bateelezi kuutwisisa zebaituta mi mubatuse kuunga muhato oswanela.

MWAKUEZEZA CWALO:

  • Mutuse bateelezi kuitekula. Mubuze lipuzo zekatusa baputehi kuitekula ni kuikalaba bona beñi.

  • Musepe bateelezi kuli babata kueza lika zende. Mutuse bateelezi kunyakisisa libaka habaeza lika zende. Mubatuse kulemuha mabaka aswanela atahisa kuli baeze cwalo—balata Jehova, balata babañwi, mi balata lituto ze mwa Bibele. Mutuse bateelezi kulemuha libaka habaswanela kulatelela zeibulela Bibele kufita kubataluseza feela za kueza. Mwa sibaka sa kubautwisa maswabi, mubasusueze, ilikuli hamulaho wa ngambolo yamina, baikutwe kususuezwa kueza zemu balutile ka mobakonela kaufela.

  • Mutuse bateelezi kulemuha kuli baswanela kutabisa Jehova. Mubonise ka mo lituto za mwa Bibele, likuka, ni litaelo zefumaneha mwateñi liboniseza tulemeno twa Mulimu ni kuli walulata. Mutuse bateelezi kulemuha kuli likezo zabona liama mwaikutwela Jehova ni kuli baswanela kumutabisa.