Mu ye kwa litaba za mwahali

Mu ye kwa litaba za mwahali

 KUPILA SINA BAKRESTE

Jehova Ulata Batu Babakenile

Jehova Ulata Batu Babakenile

Bashemi babañata balutanga bana babona kuli babe babakenile kwa mubili. Bakona kubulelela mwanaa bona kuli: “Tapa kwa mazoho. Kenisa muzuzu wahao. Fiyela mwa ndu. Yoyumba manyalala.” Habaeza cwalo, balikanyisa feela Mulimu waluna yakenile, yena yabata kuli batanga bahae babe babakenile. (Exo. 30:18-20; Deut. 23:14; 2 Makor. 7:1) Halubuluka mibili yaluna ni lika zaluna inze likenile, lulumbekehisa Jehova. (1 Pit. 1:14-16) Kono kana mandu aluna ni malapa aluna akenile? Ka kushutana ni batu babayumbelanga manyalala mwa mikwakwa ni mwa libaka za kupumulela, Bakreste baezanga mobakonela kaufela kusasilafaza lifasi. (Samu 115:16; Sin. 11:18) Luswanela kutokomela nihaiba koluyumbela lika zenyinyani zecwale ka mapepa a maswiti, mitose ya mbonyi, ni zeñwi cwalo. Mwa lika kaufela zelueza, lubata ‘kuipaka kuli lu likombwa za Mulimu.’—2 Makor. 6:3, 4.

MUBUHISE VIDIO YELI, MULIMU ULATA BATU BABAKENILE, MI KIHONA MUKAALABA LIPUZO ZELATELELA:

  • Ki afi mabaka ebafanga babañwi habapalelwa kubuluka lika zabona inze likenile?

  • Mulao wa Mushe neubonisize cwañi mubonelo wa Jehova ka za bukeni?

  • Lukona kutahisa cwañi tumbo ku Jehova kusina zelubulela?

Nikona kulikanyisa cwañi mubonelo wa Jehova ka za bukeni?