Mu ye kwa litaba za mwahali

Mu ye kwa litaba za mwahali

 KUPILA SINA BAKRESTE

Muitusise Mavidio Hamuituta ni Baituti Bamina ba Bibele

Muitusise Mavidio Hamuituta ni Baituti Bamina ba Bibele

Lika zelukona kubona lihoha mamelelo ya mutu ni kumutusa kuutwisisa zaitutile ni kulihupula. Jehova, yena Muluti Yapahami, naaitusisize lika zeo kuli alute lituto za butokwa. (Gen. 15:5; Jer. 18:1-6) Hape Jesu, yena Muluti yo Mutuna, ni yena naalutile batu ka kuitusisa lika zene bakona kubona. (Mat. 18:2-6; 22:19-21) Zeñwi za lika zelukona kubona ili zesetusize hahulu batu mwa linako zaluna ki mavidio. Kana musweli mwaitusisa hande mavidio hamunze muituta ni baituti bamina ba Bibele?

Kunani mavidio a 10 alukiselizwe kulutusa kuli lukone kuluta hande lituto zefumaneha mwa broshuwa ya Taba Yende Yezwa ku Mulimu! Hañata toho ya taba ya vidio ni vidio, yaswana ni yeñwi ya lipuzo zeñozwi ka muñolo otibile ze mwa broshuwa ye. Mwa broshuwa ye fa jw.org, kunani malinki abonisa foiswanela kubuhisezwa vidio ni vidio. Kuzwa fo, mavidio amañwi anani litaba zeswana ni ze mwa lihatiso zeluitusisanga kwa kuluta batu.

Kana musweli mwaituta ni muituti wamina taba yeñwi ya mwa Bibele yasakoni kuutwisisa hande? Kamba kana muituti wamina usweli kukopana ni muinelo omuñwi otaata? Mwakona kubata vidio yekona kutusa hande muituti wamina fa webusaiti yaluna ya jw.org/loz® ni fa JW Broadcasting®. Mwendi mwakona kubuha ni kunyakisisa yeñwi ya mavidio ao ni muituti wamina.

Kweli ni kweli, kubeiwanga mavidio amanca fa webusaiti yaluna. Hamubuha mavidio ao, munahanange momukona kuitusiseza ona mwa bukombwa.