Jobo 9:1-35
9 Jobo aalaba, ali:
2 “Kaniti naziba kuli ki cwalo.
Kono mutu yakona kushwa ukona kuba cwañi yalukile hanani muzeko ni Mulimu?+
3 Haiba mutu atabela kuzeka ni Yena,*+Mutu yo naasike akona kualaba nihaiba puzo iliñwi kwa lipuzo zahae ze 1,000.
4 Ki yabutali mi unani maata amatuna.+
Ki mañi yakona kumuhanyeza, asaikutwisi butuku?+
5 Ushimbulula* malundu kusina mutu yalemuha;Uafetaula ka buhali bwahae.
6 Unyanganyisa lifasi kulizwisa mwa sibaka salona,Mi misumo yalona yazikinyeha.+
7 Ulaela lizazi kuli lisike labenyaMi ukwalela liseli la linaleli;+
8 Ki yena yayandulula mahalimu anosi,+Mi uzamaya fa mandinda amatuna a liwate.+
9 Ki yena yaezize sitopa sa linaleli sesibizwa Ashi,* sitopa sa linaleli sesibizwa Kesile,* ni sitopa sa linaleli sesibizwa Kima,*+Mi ki yena yaezize litopa za linaleli za lihalimu la kwa mboela;*
10 Ueza lika zetuna zesakonwi kubatisiswa,+Lika zekomokisa zesakonwi kubalwa.+
11 Ufita bukaufi ni na, kono hani muboni;Wanifitelela, kono hani mulemuhi.
12 Haanga nto yeñwi, ki mañi yakona kumuhanyeza?
Ki mañi yakona kumubuza kuli: ‘Uezañi?’+
13 Mulimu haana kutibela buhali bwahae;+Nihaiba bona babatusa Rahaba*+ bakakubama fapilaa hae.
14 Kucwañi hanika mualabaNilukela kuketa hande manzwi aka hanizekisana ni yena!
15 Niha neikaba kuli hanisika fosa, nenisike namualaba.+
Nenika kupa feela muatuli* waka kuli anishwele makeke.
16 Hanika mubiza, kana uka nialaba?
Hanikolwi kuli ukautwa linzwi laka,
17 Kakuli uninyandisa ka liñungwaMi uatisa litombo zaka kusina libaka.+
18 Haanituheleli kuli nihohe moya;Uzwelapili kunitahiseza lika zebaba.
19 Haiba ki taba ya maata, ki yena yamaata.+
Haiba ki taba ya katulo yelukile, uli: ‘Ki mañi yakona kunizekisa?’*
20 Niha neikaba kuli hanisika fosa, mulomo waka neuka ninyaza;
Niha nikazwelapili kusepahala,* uka nifa mulatu.*
21 Niha nikazwelapili kusepahala,* hanizibi sesika ezahala ku na;
Nitoile* bupilo bwaka bo.
22 Hakuna shutano. Ki lona libaka hanili:
‘Uyundisa babasina mulatu* hamoho ni babamaswe.’
23 Muunda hane ukatahisa lifu ka sipundumukela,
Naakaseha manyando a babasina mulatu.
24 Lifasi lifilwe mwa mazoho a babamaswe;+
Ukwahela meeto* a baatuli balona.Haiba haki yena, ki mañi he?
25 Cwale mazazi aka alubilo kufita mutu yamata;+
Afela kapili asika bona zende.
26 Aikela feela sina mukolo wa mataka,
Sina limbande zeyo pamula mbuya yazona.
27 Haiba nibulela kuli: ‘Hanisa bilaela,
Nikafelisa maswabi mwa pata yaka mi nikaba yatabile,’
28 Nikazwelapili kusaba kabakala butuku bwaka kaufela,+
Mi naziba kuli uka nifumana kuba ni mulatu.
29 Nikafumanwa kuli nifosize.*
Cwale kiñi senika ikataleza kusatusi sesiñwi?+
30 Haiba nitapa mwa mezi a litwa lelishengunuka,
Nikukenisa mazoho aka mwa mulola,*+
31 Neuka nikenya mwa musima wa masila,Kuli mane nihaiba liapalo zaka nelika ninyenya.
32 Kakuli yena haki mutu sina na, kuli nikone kumualaba,Kuli luisane kwa kuta.+
33 Hakuna mutu yaka luatulela,*Yakona kuba muatuli waluna.*
34 Haiba atuhela kuninata*Ni kutuhela kunisabisa ka zesabisa zahae,+
35 Nenika bulela ni yena nisasabi,Kakuli hanisika twaela kubulela inze nisabile.
Litaluso ze kwatasi
^ Kamba “kumuisa kwa kuta.”
^ Kamba “uzwisa.”
^ Mwendi ili kutalusa sitopa sa linaleli sesibizwa Bere Yetuna.
^ Linzwi ka linzwi, “mizuzu ya mwahali ya kwa mboela.”
^ Mwendi ili kutalusa linaleli za Pleadesi zefumaneha mwa sitopa sa linaleli sesibizwa Taurusi.
^ Mwendi ili kutalusa sitopa sa linaleli sesibizwa Orioni.
^ Mwendi ili kutalusa sibatana sesituna sa mwa liwate.
^ Kamba mwendi, “yenizekisana ni yena.”
^ Linzwi ka linzwi, “kuniisa kwa kuta?”
^ Kamba “Niha nisina mulatu.”
^ Linzwi ka linzwi, “uka nibulela kuli nikopami.”
^ Kamba “Niha nisina mulatu.”
^ Kamba “nikenda.”
^ Kamba “babazwelapili kusepahala.”
^ Linzwi ka linzwi, “lipata.”
^ Linzwi ka linzwi, “ni yamaswe.”
^ Kamba “mufuse.”
^ Kamba “Hakuna muyemeli mwahalaa luna.”
^ Linzwi ka linzwi, “yakabeya lizoho lahae fahalimwaa bubeli bwaluna.
^ Linzwi ka linzwi, “azwisa tupa yahae ku na.”
