Jobo 7:1-21
7 “Kana bupilo bwa mutu fa lifasi habuswani sina musebezi wa kuhapelezwa,Mi kana mazazi ahae haswani ni a mubeleki yabelekela masheleñi?+
2 Uswana sina mutanga yalakaza kuina mwa muluti,Mi ulibelela kufiwa lituwelo zahae sina mubeleki yabelekela masheleñi.+
3 Kabakaleo, nifilwe likweli zesina tusoMi lituwelo zenifilwe ki masihu a manyando.+
4 Hanilobezi, niipuzanga kuli: ‘Nikazuha lili?’+
Kono busihu habunze buzwelapili, nifetauha feela nisapumuli kufitela busa.*
5 Mubili waka utezi mabuku ni bibali bya masila;+Litalo laka litezi litombo ni bulalu.+
6 Mazazi aka aakufa kapili kufita moiakufela ndonga ya muluki,+Mi afela, kunisiya nisina sepo.+
7 Mawe Mulimu, uhupule kuli bupilo bwaka ki moya,+Kuli meeto aka haana kubona zetabisa* nikamuta.
8 Liito leli nibona cwale halisana kunibona hape;Meeto ahao akabata kunibona, kono hanina kubateñi.+
9 Sina lilu lelifela ni kuba siyo,Mutu yashetumukela mwa Libita* haana kukuta.+
10 Haana kukutela kwa ndu yahae hape,Mi haasana kubonahala mwa sibaka sahae.+
11 Ka mukwa ocwalo, hanina kutibela mulomo waka kubulela.
Nikabulela kabakala butuku boniutwa mwa pilu yaka;Nikatongoka kabakala ziyezi-tuna yenili ku yona!+
12 Kana ki na liwate kamba sibatana sa mwa liwate,Kuli ubeye mulibeleli wa kunikantela?
13 Hanibulela kuli: ‘Bulobalo bwaka buka niomba-omba;Mumbeta waka ukafukuza kwa butuku boniutwa,’
14 Kihona unisabisa ka litoloNi kuningangamisa ka lipono,
15 Kuli mane niiketele kufipelwa,Ki cwalo, kuli niiketele kushwa kufita kupila ni mubili waka wo.*+
16 Nitoile bupilo bwaka;+ hanisa lata kupila.
Haku nituhele, kakuli mazazi aka aswana sina moya obuyelwa.+
17 Mutu yakona kushwa ki mañi kuli umuiseze piluNi kuli uiyakatwe yena?*+
18 Kiñi hau mutatuba zazi ni zazi kakusasanaNi kumulika ka nako kaufela?+
19 Kana hauna kutuhela kunitalimaNi kunisiya, kuli nifumane nako ya kumiza mati?+
20 Haiba niezize sibi, nikutahiselize cwañi kozi, wena Mushalimeli wa batu?+
Kiñi hau niyemi?
Kana ki kale nikufa mushimbo?
21 Kiñi hausa niswaleli lifoso zakaNi kunilukulula kwa bufosi bwaka?
Kakuli nikatuha niitobalela mwa liluli,+Mi uka nibata, kono hanina kubateñi.”
