Jobo 19:1-29
19 Jobo aalaba, ali:
2 “Mukaanga nako yekuma kai inze munifilikanya,+Inze muniutwisa butuku ka manzwi amina?+
3 Muninyazize* halishumi cwana;Hamuswabi kuli mwaninyandisa.+
4 Mi haiba luli nifosize,Ki mulatu waka.
5 Haiba muzwelapili kuitundumuna ku na,Ka kubulela kuli kulukile hanishubulwa,
6 Muzibe kuli Mulimu ki yena yanikelusize,Mi uniswasize mwa kanyandi kahae ka kuzumisa.
7 Hamubone! Nizwelapili kuhuwa, nili: ‘Niezwa maswe!’ kono hakuna yanialaba;+Nizwelapili kukupa tuso, kono hakuna yaniatulela ka kuluka.+
8 Utibile nzila yaka ka limota la macwe, mi hanikoni kufita mwateñi;Uapesize linzila zaka ka lififi.+
9 Uniamuhile kanya yakaMi unitubuzi kuwani ya bulena kwa toho.
10 Unilobaka mwa maneku kaufela kufitela niyunda;Ukumula sepo yaka sina kota.
11 Buhali bwahae bwanitukela,Mi uniinga kuba sila sahae.+
12 Masole bahae bakopana hamoho kuniambeka,Mi bapotoloha tende yaka.
13 Ulelekezi banabahesu kwahule,Mi baba niziba banifulalezi.+
14 Balikani baka babatuna* baile,Mi batu bene niziba hande banilibezi.+
15 Babato pota mwa ndu yaka+ ni batanga baka babasizana baniinga kuli ni muenyi;Banibona kuli ni muzwahule.
16 Nibiza mutangaaka, kono hatahi;Niatumulusa mulomo waka, kumukupa kuli anibonise mukekecima.
17 Moya ozwa mwa mulomo waka ufetuhile onunka maswe ku musalaaka,+Mi nifetuhile nto yenunka maswe kwa banabahesu.*
18 Nihaiba banana babanyinyani banikenda;Haninanuha, banisheununa.
19 Balikani baka kaufela babatuna baninyenya,+Mi batu bene nilata banifetuhezi.+
20 Masapo aka alamatezi kwa litalo laka ni kwa nama ya mubili waka,+Mi nibanduka ka taata.*
21 Hamu nishwele makeke, mina balikani baka, hamu nishwele makeke,Kakuli lizoho la Mulimu linisweli.+
22 Kiñi hamuzwelapili kuninyandisa sina mwaninyandiseza Mulimu,+Inze munilwanisa musatuheli?*+
23 Kambe manzwi aka naakañolwa,Naakañolwa mwa buka!
24 Mawe, kambe naakacakulwa fa licwe kuli aine kuya kuile,Acakulwe ka siñoliso sa sipi ni loto!
25 Kakuli naziba hande kuli muliululi+ waka wapila;Ukataha hasamulaho mi ukayema fa lifasi.*
26 Litalo laka hase liyundisizwe,Ka nako yenisali mwa mubili wa nama, nikabona Mulimu,
27 Yena yenika iponela,Yenika iponela ka meeto aka, isiñi a mutu yomuñwi.+
Kono mwa sifuba saka niikutwa kuziyeleha!*
28 Kakuli mubulela kuli: ‘Lumunyandisa cwañi?’+
Bakeñisa kuli ki na yatahisize butata.
29 Musabe mukwale,+Kakuli yafosa ukafiwa koto ka mukwale;Muzibe kuli kunani muatuli.”+
Litaluso ze kwatasi
^ Kamba “munishubuzi.”
^ Kamba “Bahabo na.”
^ Linzwi ka linzwi, “bana ba mba yaka,” fo kikuli, mba yeenipepile (mba ya bo ma).
^ Linzwi ka linzwi, “nibanduka ni litalo la fa meeno aka.”
^ Linzwi ka linzwi, “Musakuli nama yaka?”
^ Linzwi ka linzwi, “fahalimwaa liluli.”
^ Kamba “Lipio zaka halisa beleka.”
