Isaya 53:1-12
53 Ki mañi yabile ni tumelo mwa litaba zebautwile ku luna?*+
Mi lizoho la Jehova+ lipatululezwi mañi?+
2 Yena ukataha fapilaa hae* sina katai,+ sina mubisi omela mwa naha yeomile.
Haana sibupeho sesikateleha, mi hakutekiwi;+Mi halu mubona, ponahalo yahae hai lusutelezi ku yena.*
3 Naakendiwa mi batu neba mutokolomoha,+Mutu yanaapepezwi kuutwiswa* butuku ni yanaatwaezi makulanu.
Nekuswana inge kuli nelupatezwi pata yahae.*
Naakendiwa, mi nelu muunga kuli haki sesiñwi.+
4 Kaniti ki yena yanaalwezi makulanu aluna,+Mi naalwezi matuku aluna.+
Kono nelu muunga sina mutu yautwisizwe butuku, yanatilwe ki Mulimu, ni yanyandiswa.
5 Kono naatabilwe+ kabakala bufosi bwaluna;+Naanyandisizwe kabakala lifoso zaluna.+
Naalwezi koto kuli lube ni kozo,+Mi kabakala mañiba ahae, lwafoliswa.+
6 Kaufelaa luna luyambaezi sina lingu,+Yomuñwi ni yomuñwi uile ka nzila yahae,Mi Jehova utahisize kuli bufosi bwaluna kaufela buwele fahalimwaa hae.+
7 Naahatelezwi+ mi naaituhelezi kuli anyandiswe,+Kono naasika atumulusa mulomo wahae.
Naaisizwe sina ngu yeiswa kwa kubulaiwa,+Sina ngu yamusali yekuzize fapilaa bakuti bayona,Mi naasika atumulusa mulomo wahae.+
8 Aangiwa kabakala kusaatulelwa hande;*Mi ki mañi yakaisa pilu kwa litaba za lusika lwahae?*
Kakuli naazwisizwe mwa naha ya babapila;+Bakeñisa bufosi bwa sicaba saka, anatiwa.*+
9 Mi abulukiwa hamoho* ni babamaswe,+Ni hamoho ni bafumi* ka nako ya lifu lahae,+Nihaike kuli naasika fosa*Mi mwa mulomo wahae nekusina bupumi.+
10 Kono neli tato ya Jehova* kuli amunyandise, mi amutuhelela kuli akule.
Haiba ufa bupilo* bwahae sina nubu ya mulatu,+Yena ukabona bana* bahae, ukaekeza kwa mazazi ahae,+Mi ka yena, sesilatwa ki* Jehova sikakonda.+
11 Kabakala butuku bwautwa, ukabona mi ukakolwa.
Ka zibo yahae, yalukile, yena mutangaaka,+Ukatahisa kuli batu babañata babe babalukile,+Mi ukalwala lifoso zabona.+
12 Kabakaleo, nika mufa kabelo mwahalaa babañata,Mi ukaikabela tutu yehapilwe ni babamaata,Kakuli naasuluzi bupilo* bwahae mane kuisa lifu+Mi abalelwa kwa lifosi;+Alwala libi za batu babañata,+Mi ayangwela lifosi.+
Litaluso ze kwatasi
^ Kamba mwendi, “zeluutwile?”
^ Linzwi la “hae” likona kutalusa mushalimeli feela kamba Mulimu.
^ Kamba “haana sibupeho sesiipitezi kuli lumulakaze.”
^ Kamba “yanaautwisisa.”
^ Kamba mwendi, “Naaswana sina mutu yene basatalimi batu.”
^ Kamba “abulaiwa.”
^ Kamba “mupilelo wahae.”
^ Kamba “kuhatelelwa.”
^ Kamba “Mi yomuñwi amubuluka.”
^ Linzwi ka linzwi, “muuna yafumile.”
^ Kamba “naasika tahisa mifilifili.”
^ Kamba “Kono Jehova naalata.”
^ Kamba “tato ya; sesitabisa”
^ Linzwi ka linzwi, “peu.”
^ Kamba “moyo.”
^ Kamba “moyo.”
