Lukona Kufelisa Cwañi Sabo ya Kusaba Lifu?
Kalabo ya Bibele
Lunani sabo yeswanela ya kusaba lifu kakuli ki sila saluna mi luunganga mihato yeswanela kuli lusileleze bupilo bwaluna. (1 Makorinte 15:26) Nihakulicwalo, kusaba hahulu lifu kabakala litaba za buhata kamba litumelo za mioya kutahisa kuli batu babe “mwa butanga mwa bupilo bwabona kaufela.” (Maheberu 2:15) Kuziba niti kwakona kumilukulula kwa sabo yetulile tikanyo ya kusaba lifu, ili sabo yekona kumipaleliswa kuikola bupilo.—Joani 8:32.
Niti ka za lifu
Babashwile hakuna sebaziba. (Samu 146:4) Hamutokwi kuikalelwa kuli hase mushwile mukautwa butuku kamba kutukufazwa, kakuli Bibele ibapanya lifu kwa buloko.—Samu 13:3; Joani 11:11-14.
Babashwile habakoni kulueza maswe. Mane nihaiba batu ba mifilifili bane bali lila ‘habasana maata hase bashwile.’ (Liproverbia 21:16) Bibele ibulela kuli “sitoyo sabona ni muna wabona lifelile.”—Muekelesia 9:6.
Kushwa hakutalusi kuli halusana kupila hape. Mulimu ukazusa batu babashwile kuli bapile hape.—Joani 5:28, 29; Likezo 24:15.
Mulimu usepisa kuli nako yeñwi “lifu halisana kubateñi.” (Sinulo 21:4) Bibele ibulela cwana ka za nako yeo: “Babalukile bakaluwa lifasi, mi bakapila ku lona kuya kuile,” inze balukuluzwi ka kutala kwa sabo ya kusaba lifu.—Samu 37:29.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Babashwile ba Mwa Muinelo Mañi?
Bibele isepisa kuli ka nako yeñwi batu babañata baka zusiwa kwa bafu, kamba kukutisezwa kwa bupilo, sina feela mone kubezi ku Lazaro.
TAWALA YA MULIBELELI
Zeibulela Bibele ka za Bupilo ni Lifu
Kana mutu unani kalulo yeñwi yezwelanga pili kupila hasa shwile? Kana mutu unani moyo osashwi? Babashwile bakai?
MUZUHE!
Mwanaa Mina ha Buza ka za Lifu
Mihato ye mine ye kona ku mi tusa ku alaba lipuzo za bona, ni ku ba bonisa mo ba kona ku ezeza haiba mutu ye ba lata ha timela.
LIKALABO KWA LIPUZO ZA BIBELE
Zuho ya Bafu ki Nto Mañi?
Mwendi mukakomoka hahulu hamuka ziba kuli ki bo mañi babaka zusiwa kwa bafu.
