Kucwañi Haiba Nitwaezi Kubuha Maswaniso A Mapunu?
Zemukona kueza
Muutwisise maswaniso a mapunu mwainezi. Kubuha maswaniso a mapunu kuswana inge kuli lulika kushwaulisa lika zabupile Mulimu kuli likutekiwe. Kuutwisisa maswaniso a mapunu ka nzila ye kuka mitusa ‘kutoya zemaswe.’—Samu 97:10.
Munyakisise zekona kuzwa mwateñi. Batu baba boniswanga mwa maswaniso a mapunu baishwaulisanga bona bañi. Mi hape a shwaulisanga batu baba abuha. Kona libaka Bibele haibulela kuli: “Yabutali ubona kozi mi waipata.”—Liproverbia 22:3.
Mueze buitamo. Jobo muuna yanaasepahala naaize “Ne ni ezize tumelelano ni meto aka; nenika talima cwañi mwan’a musizana.” (Jobo 31:1, Bibele ye Kenile) Mwakona kueza likatulo zelatelela:
Hanina kuitusisa Intaneti hanili ninosi.
Nikazwa kapili-pili fa likepe haiba kutaha kashango kakasa swaneli.
Nika ambola ni mulikani yakona kunitusa haiba nikutela mukwa oswana wo.
Maswaniso a mapunu akona kutahisa butata bobutuna—haiba muzwelapili kuabuha, kuka mibela hahulu taata kutuhela
Mulapele ka za teñi. Walisamu naakupile Jehova Mulimu ka taata kuli: “Ubiule meeto aka ku zesina tuso.” (Samu 119:37) Mulimu ubata kuli mukondise, mi haiba mulapela ku yena, uka mitusa kuba ni maata a kueza zelukile!—Mafilipi 4:13.
Mutaluseze mutu yomuñwi. Kutaluseza mutu yemusepile ili yakona kubuluka likunutu kwakona kumitusa kutula butata bo.—Liproverbia 17:17.
Muhupule taba ye: Nako kaufela hamuambuka maswaniso a mapunu, mukonile kutula butata bo. Mutaluseze Jehova kuli mukonile kutula butata bo, mi muitumele ku yena kwa kumifa maata. Hamuambuka maswaniso a mapunu, mutabisa pilu yahae!—Liproverbia 27:11.
Hape Mwendi Mwakona Kutabela Litaba Ze
MAVIDIO A LITUTO ZA BUTOKWA ZA MWA BIBELE
Kana Kubuha Maswaniso A Mapunu ki Sibi?
Kana manzwi a kuli “kubuha maswaniso a mapunu” afumaneha mwa Bibele? Lukona kuziba cwañi mwaikutwela Mulimu ka za kubuha maswaniso a mapunu?
BABANCA BABUZA KULI
Ki Lika Mañi Zeniswanela Kuziba ka za Kulumelana Mashango A Somano?
Kana batu babañwi bamikukueza kubalumela mashango aama litaba za somano? Ki lika mañi zezwanga mwa kulumelana mashango ka za somano? Kana ki kueza feela linyawe kono hakuna butata?
TAWALA YA MULIBELELI
