Mu ye kwa litaba za mwahali

Mu ye fa kalulo ya bubeli ya litaba ze li teñi

Lipaki za Jehova

Silozi

Ki Mañi Musimululi wa Kopano ya Mina?

Ki Mañi Musimululi wa Kopano ya Mina?

Kopano ya Lipaki za Jehova ya mwa miteñi ya cwale ne i kalile kwa mafelelezo a lilimo za ma 1800. Ka nako yeo, kakwata ka baituti ba Bibele ba ne ba pila bukaufi ni tolopo ya Pittsburgh, mwa Pennsylvania, kwa United States, ne ka kalile ku nyakisisanga Bibele ka tokomelo. Ne ba bapanyize lituto ze ne lutiwa ki keleke ku ze i luta luli Bibele. Ba kala ku hatisa litaba ze ne ba ituta mwa libuka, mitende ni mwa magazini ye se i bizwa ka nako ya cwale kuli Tawala ya Mulibeleli—Ye Zibahaza Mubuso wa Jehova.

Mwa sikwata seo sa baituti ba Bibele ba ne ba sepahala ne ku na ni muuna ya naa bizwa Charles Taze Russell. Nihaike kuli Russell naa etelela musebezi wa ku luta batu Bibele ka nako yeo mi naa li yena muñoli wa pili wa Tawala ya Mulibeleli, naa si ka simulula bulapeli bo bunca. Mulelo wa Russell ni ba bañwi baituti ba Bibele, sina mo ne si zibahalela sikwata seo ka nako yeo, ne li ku zibahaza lituto za Jesu Kreste ni ku latelela mikwa ya puteho ya Sikreste ya mwa miteñi ya Baapositola. Ha u bona Jesu ki yena Musimululi wa Bukreste, lu mu nga sina musimululi wa kopano ya luna.—Makolose 1:18-20.