Mu ye kwa litaba za mwahali

Lipaki za Jehova

Mukete puo Silozi

Kana Mwa Hanisanga Mafilimu, Libuka ni Lipina ze Ñwi?

Kana Mwa Hanisanga Mafilimu, Libuka ni Lipina ze Ñwi?

Batili. Kopano ya luna ha i nyakisisangi mafilimu, libuka ni lipina ze ñwi ilikuli i kone ku bulelela batu ba ba mwa kopano ku li ambuka. Ki kabakalañi?

Bibele i susueza mañi ni mañi ku twaeza ‘maata a hae a ku lemuha,’ kuli a kone ku taluhanya ze lukile ku ze si ka luka.​—Maheberu 5:⁠14.

Mañolo a na ni likuka ze kona ku tusa Mukreste ha keta lika za ku itabisa ka zona. * Sina feela mo lu ezezanga mwa likalulo kaufela za bupilo, se lu bata ki ku ‘zwelapili ku batisisa se si lumelelwa ku Mulena.’​—Maefese 5:⁠10.

Bibele i luta kuli litoho za mabasi ba na ni maa­ta a likani, kamukwaocwalo ba kona ku atula kuli lika ze ñwi za ku itabisa ka zona ha li swaneli ku itusiswa ki ba lubasi lwa bona. (1 Makorinte 11:⁠3; Maefese 6:​1-4) Niteñi, kwandaa mwa lubasi, ha ku na ya na ni maata a ku hanisa mafilimu a mañwi, lipina ze ñwi, kamba lika ze ñwi za ku itabisa ka zona kuli ba ba mwa puteho ha ba swaneli ku itabisa ka zona.​—Magalata 6:⁠5.

^ para. 4 Ka mutala, Bibele ya hanisa nto ifi kamba ifi ye susueza tumelo ya mioya, buhule, kamba mifilifili.​—Deuteronoma 18:⁠10-13; Maefese 5:⁠3; Makolose 3:⁠8.