Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

TAWALA YA MULIBELELI OCTOBER 2015

 TOHO YA TABA | KANA KULAPELA KWATUSA?

Ki Kabakalañi Batu Habalapelanga?

Ki Kabakalañi Batu Habalapelanga?

Bo Samuel, * babapila kwa Kenya, babulela kuli: “Nenili mubapali yomutuna wa lipapali zakuwina masheleñi. Nenilapelanga kuli ni wine masheleñi amañata. Kono nekusa bangi cwalo.”

Bo Teresa, babapila kwa Philippines, babulela kuli: “Hane nili kwa sikolo, nelulapelanga feela litapelo zakupeta zene lulutilwe.”

Bo Magdalene, babapila kwa Ghana, babulela kuli: “Nilapelanga feela haninani matata. Nilapelanga kuli libi zaka liswalelwe ni kuli ni be Mukreste yomunde.”

Litaba zebabulezi bo Samuel, bo Teresa, ni bo Magdalene libonisa kuli batu balapelanga ka mabaka amañata, litaba zebalapelelanga babañwi zaalumelelana ni tato ya Mulimu kono zeñwi zona halilumelelani ni tato yahae. Batu babañwi balapelanga kuzwelela luli kwatasaa pilu; kono babañwi bona balapelanga fahalimu feela. Batu babañata baikutwanga kuli baswanela kulapela, ibe kuli balapela kuli bapase litatubo za kwa sikolo, kuli sikwata seseñwi sa papali yebatabela siwine, kuli Mulimu abaetelele mwa lubasi lwabona, kamba kulapela ka mabaka amañwi ashuta-shutana. Mane lipatisiso libonisa kuli nihaiba batu babasa tabeli za bulapeli balapelanga kamita.

Kana mwalapelanga? Haiba ki cwalo, ki lika mañi zemulapelelanga? Ibe kuli mwa lapelanga kamita kamba kutokwa, mukana mwaipuza kuli: ‘Kana luli kulapela kwatusa? Kana kunani yateelezanga kwa litapelo?’ Muñoli yomuñwi naatalusize kuli tapelo iswana feela “sina nto yekona kutusa mutu kuikutwa hande . . . inge cwalo kuambola ni tapi yakuutela mwa ndu.” Baalafi babañwi babanani mubonelo oswana ni wo, batalusa kuli tapelo iswana feela sina “mulyani o kona kutahisa kuli mutu

aikutwe hande.” Kana tapelo ki nto ya kuezeza feela mulao kamba ya kueza ka mulelo wa kuli mutu aikutwe hande?

Ka kufapahana, Bibele ibulela kuli, tapelo ki yabutokwa hahulu mi haki nto yekona kutahisa feela kuli mutu aikutwe hande. Ilubulelela kuli kunani yateelezanga kwa litapelo za batu babalapela kanzila yeswanela ni kamabaka a utwahala. Kana taba yeo ki ya niti? Haluboneñi haiba ki ya niti

^ par. 3 Mabizo amañwi acincizwe.