Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI OCTOBER 2015

Likalabo Kwa Lipuzo za Bibele

Likalabo Kwa Lipuzo za Bibele

Kana kwakona kuba ni lifasi mokusina bubotana?

Mulimu uka tahisa cwañi kuli kube ni lifasi mokusina bubotana?—mateu 6:9, 10.

Ka silimo ni silimo, batu babañata babulaiwanga ki matuku atiswa ki tala ni bubotana. Nihaike kuli linaha zeñwi mwa lifasi lifumile, batu babañata babotanile hahulu. Bibele ibonisa kuli kuzwelela feela kwamulaho ko, batu baziyelizwe hahulu ki bubotana.—Mubale Joani 12:8.

Kuli bubotana bufele, kutokwahala Mubuso ulimuñwi feela wa lifasi. Mubuso wo uka tokwa kuabela batu lika ka kulikanelela ni kufelisa lindwa ili zetahisa hahulu bubotana. Mulimu usepisize kutahisa Mubuso o cwalo.—Mubale Daniele 2:44.

Ki mañi yakona kufelisa bubotana?

Mulimu uketile Mwanaa hae yena Jesu, kuli abuse batu kaufela. (Samu 2:4-8) Jesu uka lamulela babotana ni kufelisa buhateleli ni mifilifili.—Mubale Samu 72:8, 12-14.

Ka kuba “Mulena wa Kozo” yanaasepisizwe, Jesu uka tisa kozo ni buiketo mwa lifasi. Ki hona cwale batu kaufela mwa lifasi bakapila mwa mandu abona, kuikola misebezi yabona, ni kuba ni lico zeñata.—Mubale Isaya 9:6, 7; 65:21-23.

 

Muitute Zeñata

Jesu u ka Ezañi Mwa Mazazi A Kwapili?

Jesu u nga muhato wa ku tisa kozo mwa lifasi.

Kana Muta O Muñwi lu ka ba ni Mubuso U li Muñwi O ka Busa Lifasi Kaufela?

Mu nahane feela kozo ni buiketo ze u kona ku tisa mubuso u li muñwi wa lifasi. Ki kabakalañi ha lu swanela ku kolwa kuli Mulimu u ka tahisa mubuso o cwalo? Ki mañi ya swanela ku ba mubusi wa Mubuso wo?