Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI DECEMBER 2014

 TOHO YA TABA | MWA KONA KU SUTELELA KU MULIMU

Hakuna Bupilo bo Bunde bo bu Fita Bo

Hakuna Bupilo bo Bunde bo bu Fita Bo

Mu kona ku ezañi kuli mu sutelele ku Mulimu? Lu nyakisisize lika li sikai ze kona ku mi tusa ku ba ni silikani se si tiile ni Mulimu. Lika zeo ki:

  1. Mu zibe libizo la Mulimu, lona la Jehova mi mu itusisange lona.

  2. Mu ambolange ni Mulimu kamita ka ku lapelanga ni ku itutanga Linzwi la hae, yona Bibele.

  3. Mu tundamene ku eza ze tabisa Jehova.

Mu sutelele ku Mulimu ka ku itusisa libizo la hae, ku lapelanga ku yena, ku ituta Linzwi la hae, ni ku eza lika ze mu tabisa

Ku likana ni litaba ze bulezwi zeo, kana mu sweli mwa eza lika ze ka ku mi tusa ku sutelela ku Mulimu? Kana ku na ni lika ze mu sa ezi hande? Kwa utwahala kuli ku sutelela ku Mulimu ku tokwa ku ikataza, kono mu nyakisise lika ze nde ze zwanga mwateñi.

Bo Jennifer, basali ba ba pila kwa United States, ba bulela kuli: “Ku ikataza ku eza silikani se si tiile ni Mulimu ku tusa hahulu. Silikani se, si tisa kuli mutu a fumane limbuyoti ze ñata, a sepe hahulu Mulimu, a utwisise hahulu mikwa ya Mulimu, mi sa butokwa ni ku fita kikuli u ka ba hahulu ni lilato. Hakuna bupilo bo bunde bo bu fita bo!”

Haiba mu bata ku ba ni silikani se si tiile ni Mulimu, mu ambole ni Lipaki za Jehova, ba ka tabela ku mi tusa ku eza cwalo. Ba ka lukisa ku itutanga Bibele ni mina ku si na tifo. Hape mwa kona ku yo kopana ni bona kwa Ndu ya Mubuso ye li bukaufi ni mina, ko mu ka yo ikola siango se sinde ni batu ba ba li balikani ba Mulimu. * Ha mu ka eza cwalo, ni mina mu ka ikutwa sina mwa naa ikutwezi wa lisamu ya naa ize: “Kono na, buswa bwa ka, ki ku sutelela ku Mulimu.”—Samu 73:28.

^ par. 9 Kuli mu ikupele tuto ya Bibele kamba kuli mu fumane Ndu ya Mubuso ye li bukaufi ni mina, shangwe mu ambole ni mutu ya mi file magazini ye, kamba mu bone Webusaiti ya luna ya www.jw.org/loz, mi mu bone mwatasaa toho ya taba ye kwa mafelelezo a likepe, ye li, MU AMBOLE NI LUNA.

Muitute Zeñata

Kiñi ze Ezahalanga Kwa Ndu ya Mubuso?

Mukene mwahali mi muiponele.