Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI SEPTEMBER 2014

Likalabo Kwa Lipuzo za Bibele

Likalabo Kwa Lipuzo za Bibele

Kana mangeloi a kona ku lu tusa?

Sina mwa naa tuselize Daniele mutanga Mulimu ya naa sepahala wa kwaikale, kacenu mangeloi a tusa batu ku utwa taba ye nde

Jehova Mulimu naa bupile mangeloi a mañata-ñata pili a si ka bupa kale batu. (Jobo 38:4, 7) Mangeloi ki libupiwa za moya ze maata za itusisa Mulimu mwa sebelezo ya hae, ka linako ze ñwi Mulimu u a lumanga kuli a etelele ni ku sileleza batanga ba hae fa lifasi. (Samu 91:10, 11) Kacenu, mangeloi a tusa batu ku utwa taba ye nde ye ba sweli ku kutaza balateleli ba Jesu.—Mu bale Sinulo 14:6, 7.

Kana lwa swanela ku lapela mangeloi kuli a lu tuse? Batili. Tapelo ki kalulo ya bulapeli, mi ki Mulimu feela ya swanela ku lapelwa. (Sinulo 19:10) Bakeñisa kuli mangeloi ki batanga ba Mulimu, a utwa litaelo ze zwa ku yena isiñi kwa batu. Kabakaleo, lu swanela feela ku lapelanga ku Mulimu ka Jesu.—Mu bale Samu 103:20, 21; Mateu 26:53.

Kana ku na ni mangeloi a maswe?

Sina batu, mangeloi ni ona naa bupilwe ni tukuluho ya ku iketela za ku eza, mi a kona ku iketela ku eza ze lukile kamba ze si ka luka. Ka bumai, mangeloi a mañata naa kwenuhezi Mulimu. (2 Pitrosi 2:4) Lingeloi la pili ku kwenuhela Mulimu ne li Satani, mi a mañwi ni ona naa latelezi Satani mi a fetuha ku ba madimona. Cwanoñu fa, Satani ni mangeloi a hae ne ba lunduzwi kwa lihalimu ni ku nepelwa fa lifasi.—Mu bale Sinulo 12:7-9.

Ku ekezeha hahulu kwa bumaswe ni mifilifili fa lifasi haisali ku zwiwa ka 1914, ki sisupo sa kuli Mulimu u tuha a feza kukuezo ya Satani ni madimona hae fa lifasi. Hamulaho wa fo, Mulimu u ka lukisa sinca lifasi kuli li be sina mo ne li inezi sapili.—Mu bale Sinulo 12:12; 21:3, 4.