Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI (HATISO YA KUITUTA) OCTOBER 2015

“Mu Zwelepili ku Lata Batu ba Mufuta Wo”

“Mu Zwelepili ku Lata Batu ba Mufuta Wo”

KUZWA ka silimo sa 1992, Sitopa Sesietelela nesifile baana-bahulu babanani yeloseli kuli batuse tutengo twa Sitopa seo, kupeta hande musebezi wabona. * (Mubone litaluso za kwatasi.) Batusi bao babali ba “lingu ze ñwi,” bafa tuso ya butokwa kwa Sitopa Sesietelela. (Joa. 10:16) Bafumanehanga kwa mukopano wa katengo ke batusa oziwanga sunda ni sunda. Musebezi wabona ki kufa litaba zetokwahala ni kufa liakalezo. Mizwale baba mwa Sitopa Sesietelela ki bona babaezanga likatulo za mafelelezo, mi mizwale baba batusa, babonanga teñi kuli likatulo zeo za petiwa luli. Mizwale bao batabela kueza musebezi ufi kamba ufi obafilwe. Bayanga ni mizwale baba mwa Sitopa Sesietelela kwa mikopano yeipitezi hamohocwalo ni kwa mikopano ya macaba. Mi hape bakona kufiwa buikalabelo bwa kupotela liofisi za mitai sina bayemeli baliofisi zetuna za zamaiso.

Muzwale yomuñwi yasasebelize sina mutusi kuzwa ka silimo sa 1992 ubulela kuli: “Hanipeta misebezi yenifilwe, nitusa Sitopa Sesietelela kuzwelapili kuisa mamelelo kwa lika za kwa moya.” Muzwale yomuñwi yasasebelize sina mutusi ka lilimo ze 20, ubulela kuli: “Ibile tohonolo yetuna yene nisika libelela ili yesakoñwi kupanywa kwa nto ifi kamba ifi mwa bupilo bwaka.”

Mizwale baba mwa Sitopa Sesietelela bafile buikalabelo bobutuna kwa batusi babona, mi baitebuha musebezi omutuna o bapeta mizwale babasepahala bao. Haike kaufelaa luna lu “zwelepili ku lata batu ba mufuta wo.”—Mafil. 2:29.

^ par. 2 Kuli muzibe litaba zeñata ka za buikalabelo bwa tutengo totu 6 twa Sitopa Sesietelela, mubone buka ya God’s Kingdom Rules! likepe 131.