Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI (HATISO YA KUITUTA) APRIL 2015

Kana Kota Hailemiwa Yakona Kumela Hape?

Kana Kota Hailemiwa Yakona Kumela Hape?

KOTA ya olive yesikami haibapanywa ni kota yende ya sidare ya kwa Lebanoni, kota ya olive haibonahali kuba yetabisa. Kono likota za olive linani buikoneli bobuipitezi bwa kuzwelapili kupila nihaiba mwa miinelo yetaata. Zeñwi za likota zeo selipilile lilimo zebato ba 1,000. Kota ya olive itibisanga hahulu mibisi yayona kuli mane yakona kumela hape nihaikaba kuli neilemilwe kamba kusinyiwa. Kota yeo yakona kumela hape, ibile feela kuli mibisi yayona isapila.

Jobo muuna yanaasepahala naanani buikolwiso bwa kuli niha naakashwa, naakapila hape. (Jobo 14:13-15) Naaitusisize mutala wa kota, mi mwendi kota yanaatalusa neli ya olive, kuli abonise buikolwiso bwa naanani bona bwa kuli Mulimu wakona kumuzusa kwa bafu. Jobo naabulezi kuli: “Kota niha i lemwa, ku na ni sepo ya kuli i ka mela hape.” Linanga hase lifelile, ni pula hase ikalile kunela, kota ya olive yeomile yakona kukala kushoshela ni kutahisa “mitai ye minca sina kota ye sa li ye nyinyani.”—Jobo 14:7-9.

Sina feela mulimi hanyolelwa kubona kota ya olive yenelemilwe haishoshela, Jehova Mulimu ni yena unyolelwa kuzusa batanga bahae ni batu babañwi babañata kwa bafu. (Mat. 22:31, 32; Joa. 5:28, 29; Lik. 24:15) Munahane feela tabo yelukaba ni yona halunze luamuhela batu bane bashwile ni kubabona inze bapila hape!