Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

TAWALA YA MULIBELELI NO. 6 2016

Bibele Ibulelañi?

Bibele Ibulelañi?

Kana Mulimu waalabanga litapelo kaufela?

KANA NEMUKA ALABA KULI . . .

  • Waalabanga litapelo za batu kaufela

  • Waalabanga litapelo za batu babañwi

  • Haalabangi litapelo za mutu ufi kamba ufi

ZEIBULELA BIBELE

“Muñaa Bupilo u fakaufi ni ba ba mu lapela kaufela . . . ka ku eza niti.”—Samu 145:18.

KI LIKAMAÑI ZEÑWI ZELUKONA KUITUTA MWA BIBELE?

  • Mulimu haateelezangi kwa litapelo za batu babasa muutwi. (Isaya 1:15) Nihakulicwalo, batu babacwalo bakona ‘ku lukisa litaba’ ni yena ka kucinca mikwa yabona.—Isaya 1:18.

  • Kuli Mulimu aalabe tapelo ya mutu, tapelo yeo iswanela kufiwa ka kulumelelana ni zaatokwa Mulimu ili zebonisizwe mwa Bibele.—1 Joani 5:14.

Kana luswanela kuina kamba kuyema ka nzila yeñwi halulapela?

BATU BABAÑWI BALUMELA KULI kamita baswanela kukubama, kuinamisa toho yabona, kamba kukopanya mazoho abona hamoho habalapela. Mina mubona cwañi?

ZEIBULELA BIBELE

Mulimu saamuhezi litapelo za batu bane balapezi ku yena banze ba ‘inzi’ kamba banze ‘ba yemi’ kamba bane ba ‘wezi fafasi’ kamba bane ba ‘kubami ka mañwele.’ (1 Makolonika 17:16; 2 Makolonika 30:27; Ezira 10:1; Likezo 9:40) Mulimu haatokwi kuli luine kamba luyeme ka nzila yeñwi halulapela.

KI LIKAMAÑI ZEÑWI ZELUKONA KUITUTA MWA BIBELE?