Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! NO. 4 2016

Mandu aswana ni litende abizwa yurts mwa Musindi wa Tash Raba

 LINAHA NI BATU

Kupotela Naha ya Kyrgyzstan

Kupotela Naha ya Kyrgyzstan

NAHA ya Kyrgyzstan ipotolohilwe ki malundu akwahezwi ki litwa, mi naha yeo ifumaneha fahalaa linaha za mwa Asia mi iikabela museto ni naha ya Kazakhstan, Uzbekistan, Tajikistan, ni China. Sibaka sesibato ba 90 pesenti sa naha yeo ki sa malundu feela. Naha ya Kyrgyzstan ki yona yenani kalulo yetelele ya lilundu la Tian Shan Mountain, yeeza limita ze 7,439 mwa butelele. Mishitu ifumaneha ibato ba mwa sibaka sesieza 4 pesenti ya naha yeo. Kacwalo, kwa komokisa kuli omuñwi wa mishitu yemituna hahulu ya mwa lifasi mokumela hahulu likota za walnut ufumaneha kwa naha ya Kyrgyzstan.

Lipaki za Jehova baluta Bibele kwa batu babañata-ñata mwa Kyrgyzstan

Batu ba mwa naya yeo bazibahala hahulu ka kuamuhela baenyi ni kukuteka batu. Mwa naha ya Kyrgyzstan, batu baitusisanga pulelo yebonisa likute ya “bo” hababiza kamba kubulela ni mutu yomuhulu, mi bafanga mutu yomuhulu sipula mwa limota kamba kumufa sipula sesikutekeha hahulu fa tafule.

 Mwa naha yeo, buñata bwa batu babanyalani banani bana ba bababeli kamba babalaalu. Mwana wa mafelelezo kwa bashimani hañata upilanga ni bashemi bahae nihaiba hasanyezi, mi uka bababalela mwa busupali bwabona kaufela.

Basizana bona balutiwanga misebezi ya fa lapa ilikuli ite babe basali babande habaka nyalwa. Basizana bao habato fitanga mwa lilimo za kunonoboka, babanga ni buikoneli bwakueza misebezi kaufela ya fa lapa. Hañata munyaliwa walukisezwanga limpo zeñwi za kuli ite lifiwe ku muuna ya ka munyala. Limpo zeo likona kukopanyeleza likubo za mufuta kaufela, libyana za kutina, ni kapeti ya kuluka. Munyali ki yena yalifa malobolo, ili masheleñi kamba limunanu.

Ka nako ya mikiti kamba ya maswabi, kubulaiwanga ngu kamba pizi. Mi lifolofolo zeo zapumakiwanga, mi mutu ni mutu ufiwanga pisi. Kulikana ni buhulu bwa mutu ni situlo sa batu babatile kwa litukiso zecwalo, mañi ni mañi ufiwanga pisi yahae; mi hape ni fona fo, muezezo wo ulatelelwanga ka kubonisa likute. Hamulaho wa fo, kuciwanga sico sesibizwa beshbarmak, ili sico sebaca hahulu mwa naha yeo. Bacanga sico seo ka mazoho.

Komuz ki nto yeliziwanga hahulu