Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! NO. 2 2016

 ZEEZAHALA MWA LIFASI

Litaba Zeama Bulikani

Litaba Zeama Bulikani

Hamubata kelezo yeama silikani, kana mukalelanga kuibata mwa Bibele, kamba mukalelanga kusili? Hamunyakisise mo butali bwa yona bone buñozwi kale bubapanyezwa kwa litaba zefumanwi mwa lipatisiso za miteñi ye.

India

Ka kuya ka patisiso yeneezizwe mwa 2014, nekufumanwi kuli 61 pesenti ya likalibe baba mwa lilimo ze mwahalaa 18 ni 25 balumela kuli kueza buhule haisali nto yetuna mwa naha ya India. Mualafi yapila mwa tolopo ya Mumbai, naabulelezi babihi ba makande ba Hindustan Times kuli: “Likalibe niha baba mwa libato hakutalusi kuli babata kunyalana. Ibe kuli baeza buhule hañwi feela, baeza bunyazi kamba bapila mwa linyalo la mapoto, habaikutwangi kuli batokwa kuitama kuli baka nyalana ni mutu yo.”

ZA KUNAHANISISA: Kana lika ze cwale ka matuku a sihule ni kuzwafa mwa munahano, lifumanwanga kwa batu babaezanga buhule kamba ku babanyalani?—1 Makorinte 6:18.

Denmark

Kubanga ni likomano mwa lubasi kukona kutahisa mafu sihulu kwa batu babanani lilimo ze mwahalaa 40 ni 60. Mwa patisiso yeñwi yene tandile lilimo ze 11 yeneezizwe kwa Yunivesiti ya Copenhagen, nekufumanwi kuli kwa batu ba 10,000 baba mwahalaa lilimo za 40 ni 60, bane baomananga hahulu ni ba lubasi lwabona nebashwanga hahulu ka kusa libelela kufita bane basaomanangi ni batu ba mwa lubasi. Muzamaisi wa patisiso yeo ubulela kuli kutatululanga lipilaelo ni likomano ‘kukona ku kusufaza kwa mafu a sikalibelelwa.’

ZEIBULELA BIBELE: “Ya iswala mwa lipuo u na ni zibo ya niti, mi ya wile pilu u na ni kutwisiso.”—Liproverbia 17:27.

United States

UNITED STATES Ka kuya ka patisiso yeneezizwe cwanoñu fa kwa Louisiana ya batu ba 564 babasazo nyalana, nekufumanwi kuli batu babañata babafezanga ni kukalisa libato labona hape—hañata hase banyalani bakauhananga basika kwanisa kale lilimo ze ketalizoho mwa linyalo. Hape babanga hahulu ni mifilifili mi hababangi ni tabo mwa linyalo labona.

ZEIBULELA BIBELE: “Sa kopanyize Mulimu, ku si ke kwa ba ni mutu ya si kauhanya.”—Mateu 19:6.

Muitute Zeñata

Mu Kupe Mulimu Kuli A Mi Tuse ku ba ni Tabo Mwa Linyalo

Mu itusise lipuzo ze peli ze bunolo ze ka mi tusa ku tiisa linyalo la mina.