Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! NO. 5 2016

 ZEEZAHALA MWA LIFASI

Zeezahala Mwa Linaha za Kwa America

Zeezahala Mwa Linaha za Kwa America

Makande afutuka kwa lifasi la kwa Wiko abonisa kuli butali bwa mwa Bibele ki bwa butokwa hahulu mi bwatusa kamita.

Kana Kukusufaza Kwa Kutatuba Mashango a fa Intaneti Kwatusa Kufukuza Kwa Mukatalo?

Patisiso yeneezizwe mwa tolopo ya Vancouver, mwa naha ya Canada, ibonisa kuli batu bakona kufukuza kwa mukatalo habatatuba mashango a fa Intaneti halaalu feela ka zazi mwa sibaka sa kutatubanga mashango ao nako kaufela. Kostadin Kushlev, yanaaetelezi patisiso yeo, ubulela ka kuama ku zenefumanwi mwa patisiso yeo kuli: “Batu bafumana taata kuambuka muliko wa kutatubanga mashango a fa Intaneti, kono kueza cwalo kubatusa kufukuza kwa mukatalo.”

ZA KUNAHANISISA: Lupila mwa “linako ze taata, ze ziyeza,” kacwalo kana haki niti kuli luswanela kubata linzila za kufukuza ka zona kwa mukatalo?—2 Timotea 3:1.

Kukala Kubateñi Kwa Mufuta wa Litapi Zebulailwe Hahulu

Piho yeñwi yenefilwe ku ba katengo ka Wildlife Conservation Society (WCS), ibulela kuli: “Kunani litaba zeñozwi zebonisa zwelopili ya kuli mufuta omuñwi wa liñongolo zebizwa li-conch, mufuta omuñwi wa linkala zebizwa li-lobster, ni litapi zefumaneha mwa libaka mokuhaniswa kubulaya maluwo acwalo” mwa naha ya Belize ni mwa libaka zeñwi za mwa Caribbea, likalile kufumaneha hape. Piho yeo iekeza kuli: “Ka kushutana ni mwa libaka mokubulaiwa maluwo acwalo, mwa libaka zehaniswa mona kukona kuunga lilimo zekala fa 1 kuisa ku ze 6 kuli libupiwa zeo likalise kubateñi hape, nihaike kuli kukona kuunga lilimo-limo kuli . . . libeteñi ka kutala.” Bo Janet Gibson, babaetelela tukiso yeo mwa katengo ka WCS, nebabulezi ka za naha ya Belize kuli: “Kwaiponahalela hande kuli kuhanisa kubulaya maluwo ao, kwakona kutusa kuli litapi zene selifela likalise kubateñi hape ka mifuta-futa.”

ZA KUNAHANISISA: Kana maata a kutiyela miinelo yetaata elinani libupiwa zeo abonisa kuli kunani Mubupi yabutali?—Samu 104:24, 25.

MIFILIFILI MWA NAHA YA BRAZIL

Mutai wa makande obizwa Agência Brasil ubiha kuli mifilifili isweli yaekezeha mwa naha ya Brazil. Mwa silimo sa 2012, palo ya batu bane babulailwe neifitelezi 56,000, ili palo yetuna hahulu yesebihilwe ki ba Liluko la Makete mwa silimo silisiñwi. Luís Sapori, caziba yali mwa katengo kakatalima za silelezo ya batu ulumela kuli kuekezeha kwa lipulayano kubonisa kufela kwa muzamao omunde. Kulikana ni mwanaabulelezi Luís Sapori, batu basatuhela feela kukuteka milao ya naha, “bakalisanga kuitusisa maata abona ilikuli bapete milelo yabona.”

KANA MWAZIBA? Bibele neipolofitile ka za nako yeo lilato ‘ne li ka fola’ mi bumaswe nebuka ekezeha.—Mateu 24:3, 12.