Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! NO. 3 2016

 PUPO YEMAKAZA

Mulala wa Butwa

Mulala wa Butwa

BO MANJINELA BA MISHINI bamakaliswa ki buikoneli bwa butwa bwa kunanula lika zebukiti hahulu kufita mubili wabona. Kuli bautwisise buikoneli bwa butwa bo, bo manjinela ba kwa yunivesiti ya Ohio State University, kwa U.S.A., nebaezize lipupe za malaiti zenezamaiswa ki kompyuta, zenepangilwe ka kulikanyisa likalulo zeñwi za mubili wa butwa, ili lipupe zenesebeza sina mobusebeleza butwa. Lipupe zeo neliezizwe hamulaho wa kubona mobubonahalela butwa mwa likalulo-kalulo ka kuitusisa mushini wa X-ray, ni ka kulikanyisa maata ebuitusisanga butwa habunanula lika zebukiti.

Kalulo ya butokwa hahulu kwa mubili wa butwa ki mulala wabona, fobuyanga bukiti kaufela bwa lika zebushimbile mwa mulomo wabona. Linama zebunolo ze mwa mulala wa butwa likopani ni masapo a kwa mubili wabona ni toho yabona ka nzila yeswana inge mutu yambanjekile minwana ya mazoho ahae. Mubatisisi yomuñwi ubulela kuli: “Mukopanelo wa lilama zeo utusa hahulu mulala kubeleka hande. Swalisano yeipitezi yeo ya lilama zetiile ni zebunolo, mwendi ki yona yetahisa kutiya kwa mulala ni kutahisa kuli mulala ukone kushimba lika zebukiti hahulu.” Babatisisi banani sepo ya kuli kuutwisisa hande moubelekela mulala wa butwa kukatahisa lizwelopili mwa kupanga lipupe za malaiti zebeleka hande.

Mubona cwañi? Kana mulala wa butwa oipitezi ili obeleka hande hahulu neuitahezi feela ka kuipilaula? Kamba kana neuezizwe ki Mubupi?