Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! DECEMBER 2015

 PUPO YEMAKAZA

Buikoneli Bwa Mubili wa Mutu Bwa Kufolisa Litombo

Buikoneli Bwa Mubili wa Mutu Bwa Kufolisa Litombo

BUIKONELI bwa mubili wa mutu bwa kufolisa litombo ni kuuncafaza lilama za mubili zeholofezi, ki yeñwi ya lika zekonisa mutu kupila. Kezo yeo yakufolisa lilama zeholofezi, iezahalanga ka nako yaahofala mutu.

Munyakisise taba ye: Kubelekisana hamoho kwa liselusi, ki kona kokutahisanga kuli sitombo sifole:

  • Kalulo ya mali yetusa kwa kufolisa litombo (platelets) ikumalelanga kwa liselusi za fa sitombo, ni kutiba misinga yesinyehile ilikuli mali atuhele kuzwa.

  • Kululuha kwa sitombo kusisilelezanga kuli sisike sakenelwa ki maikolokuwawa, ni kuzwisa masila atisizwe ki kolofalo.

  • Mwa mazazi asikai feela, mubili ukalisanga kuyolisa liselusi zesinyehile, kuomisa sitombo, ni kufolisa misinga yesinyehile.

  • Hamulaho wa lika zeo kaufela, liselusi zeiketile lifolisanga sitombo ni kutiisa kalulo yeholofezi.

Ka kususuezawa ki buikoneli bwa mubili bwa kufolisa sitombo, babatisisi basweli kupanga mapulasitiki akona kuiuncafaza ka ili ona. Mapulasitiki ao, anani tupila totusisani mokubeilwe mifuta yemibeli ya likemiko zelotanga hakunani fokusinyehile. Likemiko zeo halinze likopana, lipanganga sitipwi-tipwi sesiyambanga ni kukwahela likalulo zesinyehile, ili kutiba miandala ni masuba. Sitipwi-tipwi seo hasinze sioma, sitahisanga kuli mapulasitiki ao abe atiile hape sina mwanaainezi sapili. Mubatisisi yomuñwi utalusa kuli, mukwa wo, wa mapulasitiki wa kuiuncafaza, obasweli kupanga, ki wakulikanyisa feela mubelekelo wa lika zepila.

Mubona cwañi? Kana buikoneli bwa mubili wa mutu bwa kufolisa litombo, nebuitahezi feela ka kuipilaula? Kamba kana nebuezizwe ki Mubupi