Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

MUZUHE! JULY 2014

 TABA YA FA LIKEPE LA FAHALIMU | MU KONA KU ITIISA CWAÑI—HA MU TAHELWA KI KOZI?

Ha mu Tahelwa ki Kozi

Ha mu Tahelwa ki Kozi

IBATO ba kuli mañi ni mañi wa luna wa kona ku tahelwa ki kozi ya mufuta o muñwi. Nihaiba batu ba ba bonahala kuli ba na ni lika kaufela.

BIBELE I BULELA KULI:

“Mwa siano, ba ba wina ha si ba ba lubilo kamita, ni mwa ndwa ba ba tula hasi ba ba na ni maata kamita, ni kuli buhobe hasi bwa ba ba butali kamita, ni bufumu hasi bwa ba ba na ni ngana kamita, hape ni ku kondisa hasi kwa ba ba bukwala kamita. Kono mutu ni mutu u tamwa ki linako za pila ka zona, ni ki bushiko kamba bumai bwa hae.”—Muekelesia 9:11.

Taba luli haki ya kuli mu ka talimana ni kozi kamba kutokwa kono ki ya mo mu ka ezeza ha mu ka talimana ni kozi. Ka mutala:

  • Ne mu ka eza cwañi ha ne mu ka sinyehelwa ki lika za mina kaufela mwa kozi ya ka taho?

  • Ne mu ka eza cwañi ha ne mu ka fumanwa ni butuku bo bu omba moyo?

  • Ne mu ka eza cwañi ha ne mu ka shwelwa ki mutu ye mu lata?

Lipaki za Jehova, bona bahatisi ba magazini ye, ba lumela kuli Bibele ya kona ku mi tusa ku itiisa ha mu tahelwa ki kozi ni ku mi tusa ku ba ni sepo ye tiile. (Maroma 15:4) Mu nyakisise lika ze ezahezi ze taalu ze bonisa cwalo.