MUSIPILI wa Silukelekele ki wo muñwi wa misipili ye makaza hahulu. Musipili wa nyunywani ye wa likilomita ze 11,000 u kona ku tanda mazazi a bato fitele a 8.

Mu nyakisise taba ye: Babatisisi ba akaleza kuli linyunywani ze ñwi li itusisanga maata a magineti ya lifasi ku ziba mo li ka zamaela, inge ze na ni mushini o li supeza mwa ku zamaela mwa booko bwa zona. Hape ku kona ku ba kuli silukelekele si zibanga mwa ku zamaela ka ku itusisa lizazi musihali mi busihu si itusisanga linaleli. Ku bonahala kuli hape silukelekele sa kona ku lemuha mañungwa a taha, ili a kona ku si tusa ku fufa kapili bakeñisa ku kashiwa ki moya o fuka ku zwa kwamulaho. Nihakulicwalo, licaziba ba sa palelwa ku utwisisa ka butungi ka za mo linyunywani ze li zamaelanga musipili wa zona o makaza wo. Caziba wa sayansi ya lika ze pila wa libizo la Bob Gill u bulela kuli: “Ni se ni itutile linyunywani ze ka lilimo ze 20, kono li sa ni kakamalisa hahulu.”

Mu Bona Cwañi? Mukwa wa Silukelekele wa ku ziba musipili wa sona kana ne u itahezi feela ka ku ipilaula? Kamba kana ne u tahisizwe ki Mubupi?