Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Mubuso wa Mulimu ki Nto Mañi?

Mubuso wa Mulimu ki Nto Mañi?

Kana muunga kuli ki . . .

  • nto ye mwa pilu yamina?

  • pulelo feela ya swanisezo?

  • puso ye kwa lihalimu?

ZEIBULELA BIBELE

“Mulimu wa mwa lihalimu u ka tahisa mubuso o si na ku sinyeha ku ya ku ile.”—Daniele 2:44, Bibele ye Kenile, Hatiso ya 1951.

‘Lufilwe mwana wamushimani mi bulena bukabeiwa fa liheta lahae.’ —Isaya 9:6.

MOMUKONA KUTUSEZWA KI TABA YEO

  •  Mubuso omunde wo wakona kumitusa ka nako ya cwale. —Isaya 48:17, 18.

  • Mwa lifasi lelinca lelitaha, mukaba ni mibili yepetehile mi mukapila ka tabo.—Sinulo 21:3, 4.

KANA LULI LWASWANELA KULUMELA ZEIBULELA BIBELE?

Eni, sihulu ka mabaka amabeli:

  • Jesu naabonisize zeuka peta Mubuso wa Mulimu. Naalutile balateleli bahae kulapela kuli Mubuso wa Mulimu utahe ni kuli tato ya Mulimu iezwe fa lifasi. (Mateu 6:9, 10) Jesu naabonisize moika alabelwa tapelo yeo.

    Jesu hanaali fa lifasi, naafepile batu bane balapile, naafolisize bakuli, mi naazusize bane bashwile! (Mateu 15:29-38; Joani 11:38-44) Ka kuba yena yanaaka ba Mubusi wa Mubuso wa Mulimu, Jesu naabonisize hande zeo Mubuso wo ukato ezeza babusiwa baona.—Sinulo 11:15.

  • Miinelo ya lifasi ibonisa hande kuli Mubuso wa Mulimu utuha ukala kubusa lifasi. Jesu naapolofitile kuli pili Mubuso wo usika tisa kale kozo mwa lifasi, mwa lifasi nekuka ba ni lindwa zeñata, matala, ni lizikinyeho za lifasi.—Mateu 24:3, 7.

    Kacenu, lusweli lwaiponela lika zeo inze liezahala. Kacwalo, lunani buikolwiso bwa kuli hona cwale-cwale fa, Mubuso wa Mulimu ukafelisa matata ao kaufela.

 ZA KUNAHANISISA

Bupilo bukaba cwañi Mubuso wa Mulimu hauka busa lifasi?

Bibele ialaba puzo yeo kwa liñolo la SAMU 37:29 ni la ISAYA 65:21-23.

Muitute Zeñata

Mulelo wa Mulimu ka za Lifasi ki Ufi?

Bibele ibonisa libaka Mulimu hanaabupile lifasi, fakafelela manyando, ni zekaezahala kwapili mwa lifasi ni babapila mwateñi.