Mu ye kwa litaba za mwahali

Mu ye fa kalulo ya bubeli ya litaba ze li teñi

Lipaki za Jehova

Silozi

Kana manyando akafela muta omuñwi?

Kana manyando akafela muta omuñwi?

Kana mukaalaba kuli . . .

  • eni?

  • batili?

  • mwendi?

 ZEIBULELA BIBELE

“Mulimu . . . u ka takula miyoko kaufela kwa meeto a bona, mi lifu ha li sa na ku ba teñi, nihaiba ku tahelwa ki maswabi kamba ku lila kamba ku utwa butuku.” —Sinulo 21:3, 4, Toloko ya Lifasi le Linca.

MOMUKONA KUTUSEZWA KI TABA YEO

Lukaba ni buikolwiso bwa kuli Mulimu haki yena yatahisa matata elutalimana ni ona.—Jakobo 1:13.

Lukaomba-ombiwa haluka ziba kuli Mulimu wautwisisa luli moluikutwelanga halunyanda.—Zakaria 2:8.

Lukaba ni sepo ya kuli manyando kaufela akafela.—Samu 37:9-11.

 KANA LULI LWASWANELA KULUMELA ZEIBULELA BIBELE?

Eni, sihulu ka mabaka amabeli:

  • Mulimu utoile manyando ni kusaluka. Munyakisise mwanaaikutwezi Jehova Mulimu batu bahae ba mwa linako zebulezwi mwa Bibele hane banyandisizwe maswe. Bibele ibulela kuli Jehova naaikutwile hahulu bumaswe bakeñisa ‘bane babanyandisa.’—Baatuli 2:18.

    Mulimu utoile hahulu batu babanyandisa babañwi. Ka mutala, Bibele ibulela kuli “mazoho a sulula mali a si na mulatu” amasila ku Mulimu.—Liproverbia 6:16, 17.

  • Mulimu utokomela mañi ni mañi waluna. ‘Mutu ni mutu waziba mwa pilu yahae sesi mukataza, ni sesi muutwisa butuku,’ mi Jehova ni yena waziba lika zeo!2 Makolonika 6:29, 30.

    Ka kuitusisa Mubuso wahae, Jehova atuha afelisa manyando akopana ni ona mutu ni mutu. (Mateu 6:9, 10) Kono pili asika eza kale cwalo, uomba-omba batu babaikataza kumubata.—Likezo 17:27; 2 Makorinte 1:3, 4.

 ZA KUNAHANISISA

Ki kabakalañi Mulimu hatuhelela manyando?

Bibele ialaba puzo yeo kwa liñolo la MAROMA 5:12 ni la 2 PITROSI 3:9.

Muitute Zeñata

TABA YENDE YEZWA KU MULIMU!

Ki Kabakalañi Mulimu Hatuhelela Bumaswe ni Manyando?

Bumaswe nebukalile cwañi, mi ki kabakalañi Mulimu hatuhelezi bumaswe kuzwelapili? Kana manyando akafela muta omuñwi?