Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Mwa Kona ku ba ni Tabo Mwa Lubasi

 KALULO 8

Ha ku Zuha Butata

Ha ku Zuha Butata

“Mu tabile hahulu, nihaike kuli mwendi ne mu ziyelizwe ki litiko za mifuta-futa ka nakonyana.”—1 Pitrosi 1:6

Nihaike kuli mu sweli ku lika ka taata kuli mu be ni tabo mwa linyalo ni mwa lubasi, ku na ni lika ze kona ku ezahala ka sipundumukela ze kona ku tahisa kuli mu si ke mwa zwelapili ku ba ni tabo. (Muekelesia 9:11) Mulimu ka lilato u lu fanga tuso ha lu li mwa matata. Haiba mina ni bakumina mu latelela likuka za mwa Mañolo ze latelela, mina ni lubasi lwa mina mu ka kona tiyela nihaiba miinelo ye taata.

 1 MU ITINGE KU JEHOVA

ZE I BULELA BIBELE: ‘Mu nepele lipilaelo za mina ku yena, kakuli wa mi tokomela.’ (1 Pitrosi 5:7) Kamita mu hupulange kuli Mulimu haki yena ya tahisa miliko ye mu talimana ni yona. (Jakobo 1:13) Ha mu nze mu sutelela ku yena, Mulimu u ka mi tusa ka mo ku tokwahalela kaufela. (Isaya 41:10) “Mu sululele fapilaa hae lipilu za mina.”—Samu 62:8.

Hape haiba mu bala ni ku ituta Bibele zazi ni zazi, mu ka omba-ombiwa. Ha mu ka eza cwalo, mu ka lemuha kuli Jehova wa “lu omba-omba mwa liñalelwa za luna kamukana.” (2 Makorinte 1:3, 4; Maroma 15:4) Jehova u sepisa kuli u ka mi fa “kozo ya Mulimu ye fita kutwisiso kaufela.”—Mafilipi 4:6, 7, 13.

ZE MU KONA KU EZA:

  • Mu kupe Jehova kuli a mi tuse ku itiisa ni ku ba ni mubonelo o swanela

  • Mu nyakisise lika ze mu lela ku eza mi mu kete fateñi ze swanela

2 MU IPABALELE NI KU BABALELA LUBASI LWA MINA

ZE I BULELA BIBELE: “Pilu ya mutu ya na ni ngana i bata zibo, mi lizebe za ba ba butali li libelezi ze talifile.” (Liproverbia 18:15) Mu zibe buniti bwa litaba kaufela. Mu zibe za tokwa mañi ni mañi mwa lubasi lwa mina. Mu ambolange ni batu ba mwa lubasi lwa mina. Mu teelezange ku bona ha ba bulela.—Liproverbia 20:5.

Mu kona ku eza cwañi haiba mutu ye mu lata a timela? Mu si ke mwa saba ku bonisa mo mu ikutwela. Mu hupule kuli nihaiba ‘Jesu naa lotisize miyoko.’ (Joani 11:35; Muekelesia 3:4) Ku zwa fo, mu tokwa ku banga ni nako ye ñata ya ku pumulanga. (Muekelesia 4:6) Haiba mu eza cwalo, ku ka mi bela bunolo ku tiyela butata bo bu zwafisa bo.

ZE MU KONA KU EZA:

  • Pili ku si ka zuha kale butata, mu itwaeze ku ambolanga ni lubasi lwa mina. Ka nako ye ku zuha matata, batu ba mwa lubasi lwa mina ba ka lukuluhanga ku ambola ni mina

  • Mu ambole ni batu ba bañwi ba ba kile ba ba mwa muinelo o swana

 3 MU AMUHELE TUSO YE MU TOKWA

ZE I BULELA BIBELE: “Mulikanaa mutu wa mu lata ka nako ni nako, u pepezwi kuli a be mwanahabo mwa liziyezi za hae.” (Liproverbia 17:17) Balikani ba mina ba tabela ku mi tusa, kono mwendi ha ba zibi mwa ku mi tuseza. Mu si ke mwa palelwa ku ba taluseza lika ze mu tokwa luli. (Liproverbia 12:25) Hape, mu kupe tuso ya kwa moya kwa batu ba ba utwisisa Bibele. Ketelelo ya mwa Bibele ye ba kona ku mi fa ya kona ku mi tusa.—Jakobo 5:14.

Mu ka fumana tuso ye mu tokwa haiba mu swalisana ni batu ba ba na ni tumelo ku Mulimu ni mwa lisepiso za hae. Hape mu ka tusiwa hahulu haiba mu tusa ba bañwi ba ba tokwa ku tusiwa ni ku susuezwa. Mu taluseze ba bañwi za tumelo ya mina ku Jehova ni lisepiso za hae. Mu patehe ka ku tusa batu ba ba tokwa tuso, mu si ke mwa ikauhanya kwa batu ba ba mi lata ni ba ba mi tokomela.—Liproverbia 18:1; 1 Makorinte 15:58.

ZE MU KONA KU EZA:

  • Mu ambole ni mulikanaa mina yo mutuna mi mu mu kupe kuli a mi tuse

  • Mu bulele ka ku nonga ni ka ku sepahala ka za lika ze mu tokwa

Muitute Zeñata

Mwanaa Mina ha Buza ka za Lifu

Mihato ye mine ye kona ku mi tusa ku alaba lipuzo za bona, ni ku ba bonisa mo ba kona ku ezeza haiba mutu ye ba lata ha timela.

Ki Kabakalañi Mulimu Hatuhelela Bumaswe ni Manyando?

Bumaswe nebukalile cwañi, mi ki kabakalañi Mulimu hatuhelezi bumaswe kuzwelapili? Kana manyando akafela muta omuñwi?

Ha mu Tahelwa ki Kozi—Ku Shwelwa ki Mutu ye mu Lata

Lilimo ze 16 ze felile, bo Ronaldo ne ba shwezwi ki bahabo bona ba ketalizoho mwa kozi ya fa mukwakwa. Nihaike kuli ba ikutwa ku ba mwa buinosi, ba konile ku omba-ombiwa.