Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Kana Luli ba ba Shwile ba ka Pila Hape?

Kana Luli ba ba Shwile ba ka Pila Hape?

Kana mu ka alaba kuli . . .

  • eni?

  • batili?

  • mwendi?

 ZE I BULELA BIBELE

“Ku ka ba ni zuho.”—Likezo 24:15, Bibele ya Toloko ya Lifasi le Linca.

MO MU KONA KU TUSEZWA HAIBA MU LUMELA KULI ZUHO I KA BA TEÑI

Sepo ya zuho i ka mi omba-omba mutu ye mu lata ha timela.—2 Makorinte 1:3, 4.

Sepo ya zuho i ka mi tusa ku sa saba hahulu lifu.—Maheberu 2:15.

Mu ka ba ni sepo ya luli ya ku to pila hamoho hape ni batu be mu lata, ba ba timezi.—Joani 5:28, 29.

 KANA LULI LWA SWANELA KU LUMELA ZE I BULELA BIBELE?

Eni, sihulu ka mabaka a malaalu:

  • Mulimu ki yena ya bupile lika kaufela ze pila. Bibele i bulela ka za Jehova Mulimu kuli, ‘bupilo kaufela bu simuluha ku yena.’ (Samu 36:9; Likezo 17:24, 25, Bibele ye Kenile, Hatiso ya 1984) Yena ya file bupilo kwa lika kaufela ze pila, kaniti wa kona ku kutiseza bupilo ku mutu ya shwile.

  • Kwamulaho Mulimu naa zusize bafu. Bibele i bulela ka za batu ba 8 ili banana, ba bahulu, baana, ni basali ba ne ba zusizwe kwa bafu kuli ba pile hape fa lifasi. Ba bañwi ne ba shwile ka nako ye kuswani, kono yo muñwi yena naa sa tandile mazazi a ma ne mwa libita!—Joani 11:39-44.

  • Mulimu u nyolelwa ku zusa bafu hape. Jehova u toile lifu; u li nga sina sila. (1 Makorinte 15:26) U “shukelwa” ku tula sila seo, ili ku felisa lifu ka ku zusa batu ba ba shwile. U nyolelwa ku zusa batu ba hupula ni ku ba bona inze ba pila fa lifasi hape.—Jobo 14:14, 15.

 ZA KU NAHANISISA

Ki kabakalañi ha lu supala ni ku shwa?

Bibele i alaba puzo yeo kwa GENESE 3:17-19 ni kwa MAROMA 5:12.

Muitute Zeñata

Ki Sepo Mañi Yelunani Yona ka za Babashwile?

Ki sika mañi sesiezahalanga ku luna halushwa? Kana balatiwa baluna babashwile luka babona muta omuñwi?