Mu ye kwa litaba za mwahali

Mu ye kwa litaba za mwahali

Lipaki za Jehova

Mukete puo Silozi

 TUTO 18

Kuluta Litaba Zetusa Bateelezi

Kuluta Litaba Zetusa Bateelezi

1 Makorinte 9:19-23

LITABA KA BUKUSWANI: Mutuse bateelezi kunahanisisa zemubulela, ilikuli hasamulaho baikutwe kuli baitutile taba yeka batusa.

MWAKUEZEZA CWALO:

  • Munyakisise zebaziba kale bateelezi. Mwa sibaka sa kubulela litaba zebaziba ni kale, mubatuse kulemuha lisupo zeñwi zenca zebaituta mwa taba yemu baluta.

  • Mueze patisiso mi munahanisise. Haiba kukonahala, mubonise molisebeleza lisupo zetuna za ngambolo yamina ka kufa mitala yeminca kamba ya litaba zeezahala zebulelwa mwa makande. Munahanisise litaba za ngambolo yamina ni molikona kukoñomekelwa ki bupaki bomulela kufa.

  • Mubonise bateelezi mobakona kutusezwa ki litaba zemuluta. Mutaluse Mañolo ni kutusa bateelezi kuziba mobakona kuitusiseza lisupo za mwa Mañolo zeo mwa bupilo bwabona bwa ka zazi ni zazi. Munyakisise miinelo luli yebatalimana ni yona bateelezi, moya obaswanela kubonisa kamba kuambuka, ni lika zebaswanela kueza.