Mu ye kwa litaba za mwahali

Mu ye kwa litaba za mwahali

Lipaki za Jehova

Mukete puo Silozi

 TUTO 10

Kucinca-cinca Linzwi

Kucinca-cinca Linzwi

Liproverbia 8:4, 7

LITABA KA BUKUSWANI: Mutaluse mihupulo ka kuutwahala ni kususueza bateelezi ka kucinca-cinca mulumo wa linzwi lamina, maata a linzwi lamina, ni lubilo lomubulela ka lona.

MWAKUEZEZA CWALO:

  • Mucinca-cince mulumo wa linzwi lamina. Muekeze kwa mulumo wa linzwi lamina kuli mukoñomeke lisupo zetuna ni kususueza bateelezi. Mueze cwalo ni hamubala litaba za mwa Mañolo zebulela za likatulo. Mukutise kwa mulumo wa linzwi lamina hamubata kutusa bateelezi kuli baitukiseze kuutwa litaba zelatelela kamba hamubata kubonisa sabo kamba kuikalelwa.

  • Mucinca-cince maata a linzwi lamina. Muekeze kwa maata a linzwi lamina hamubulela ka mafulofulo kamba hamutalusa nto yetuna hahulu kamba yeinzi kwahule hahulu, haiba mwaezanga cwalo mwa puo yamina. Mukutise kwa maata a linzwi lamina hamubulela litaba zebonisa maswabi kamba kuikalelwa.

  • Mucinca-cince lubilo lomubulela ka lona. Mubulele ka lubilo hamutalusa taba yetabisa. Mubulele ka bunya hamutalusa lisupo za butokwa.