Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

BUPILO BWALUNA BWA SIKRESTE NI BUKOMBWA—BUKA YA MUKOPANO OCTOBER 2016

 LITABA ZA BUTOKWA ZEZWA MWA LINZWI LA MULIMU | LIPROVERBIA 12-16

Butali Bunani Tuso Kufita Gauda

Butali Bunani Tuso Kufita Gauda
MUBONE
Text
Image

Ki kabakalañi butali bobuzwa ku Mulimu habuli bwa butokwa hahulu? Batu babanani butali bo, basilelezwa kwa lika zemaswe mi bupilo bwabona bwabukelezwa. Butali bo, bubatusa kuba ni mubonelo omunde, lipulelo zende, ni likezo zende.

Butali butusa mutu kusatahelwa ki buikuhumuso

16:18, 19

  • Mutu yanani butali walemuha kuli Jehova ki yena Simbule sa butali kaufela

  • Batu babakondisa zabona mwa bupilo kamba babafilwe buikalabelo bobuekezehile baswanela kutokomela hahulu kuli hababi ni buikuhumuso ni buikankabeki

Butali butusa mutu kuba ni lipulelo zende

16:21-24

  • Mutu yabutali ubonisa kutwisiso ka kulemuha tulemeno totunde tobanani tona babañwi mi ubulela lika zende ka za batu bao

  • Manzwi aabulelwa ka butali asusueza mi amunati sina linosi, haabulelwi ka buhali kamba ka kulwanisa babañwi