Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

BUPILO BWALUNA BWA SIKRESTE NI BUKOMBWA—BUKA YA MUKOPANO MAY 2016

 KUPILA SINA BAKRESTE

Kana Musweli Mwaitusisa JW Library?

Kana Musweli Mwaitusisa JW Library?

JW Library ki progilamu ya fa kompyuta ya mahala, mi progilamu ye, imikonisa kuunga Bibele ni lihatiso zeñwi, mavidio, ni litukiso za mulumo fa Intaneti ni kulibeya fa foni yamina, fa tablet yamina, kamba fa kompyuta yamina.

MWAKUUNGELA PROGILAMU YE: Muye fa Intaneti, kihona mubeya progilamu ya JW Library ka kuitusisa progilamu ya app store. Progilamu ya app store isebeza fa lipangaliko zeshutana-shutana. Hamuli fa Intaneti, mukwalule progilamu ya JW Library kihona mukaketa lika zemubata kubeya fa sipangaliko samina. Haiba hamukoni kuya fa Intaneti hamuli kwa ndu yamina, mwendi mwakona kuyo ezeza cwalo kwa Ndu ya Mubuso, kwa sifalana sa libuka sa nyangela, kamba mwa sibaka sesiñwi sesinani Intaneti. Hase mubeile lihatiso fa sipangaliko samina, hamusa tokwa hape kuyanga fa Intaneti kuli muitusise lihatiso zeo. Kono bakeñisa kuli kamita kunani lika zenca zeekezwanga kwa progilamu ya JW Library, ka linako zeñwi mukatokwanga kuya fa Intaneti kuli muyo uncafaza progilamu ya JW Library.

KI KABAKALAÑI HAMUSWANELA KUUNGA PROGILAMU YE? Progilamu ya JW Library itahisa kuli kube bunolo kueza tuto ya ka butu ni kulatelela mikopano ya puteho. Hape itusa hahulu mwa bukombwa sihulu halueza bupaki bwa kutandaalelwa.