Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

BUPILO BWALUNA BWA SIKRESTE NI BUKOMBWA—BUKA YA MUKOPANO JUNE 2016

 LITABA ZA BUTOKWA ZEZWA MWA LINZWI LA MULIMU | LISAMU 34-37

Usepe Jehova mi Ueze Sesilukile

Usepe Jehova mi Ueze Sesilukile

“U si ke wa shwela muna ba ba sa yi ka mulao”

37:1, 2

  • Kukondisa kwa ka nakonyana kwa batu babamaswe kusike kwamipalelwisa kusebeleza Jehova. Muzwelepili kuisa pilu kwa limbuyoti ni likonkwani za kwa moya

“U sepe Muñaa Bupilo, mi u eze se si lukile”

37:3

  • Musepe kuli Jehova uka mitusa hamukakanya nto yeñwi kamba hamunani lipilaelo. Uka mitusa kuzwelapili kusepahala

  • Muzwepili kuabana mwa musebezi wa kukutaza taba yende ya Mubuso wa Mulimu

“Muñaa Bupilo ibe Yena yo tabela”

37:4

  • Mutome nako yemuka balanga Linzwi la Mulimu ni ku linahanisisa kuli mufite fa kuziba hande Jehova

“U beye nzila ya hao ku Muñaa Bupilo”

37:5, 6

  • Mube ni sepo yetiile ya kuli Jehova uka mitusa kutiyela butata bufi kamba bufi

  • Muzwelepili kuba ni muzamao omunde hamulwaniswa, kunyandiswa, kamba kusinyiwa libizo

“U talimele ku Muñaa Bupilo, u mu libelele ka pilu ye tiile”

37:7-9

  • Musike mwamatela kueza lika zeka mifeza tabo kamba kusinya silikani samina ni Mulimu

“Ba ba ishuwa ba ka luwa naha”

37:10, 11

  • Mube ni buishuwo, mi ka buikokobezo mulibelele Jehova kuli azwise bumaswe kaufela bomukopana ni bona

  • Mutuse balumeli babañwi, mi muomba-ombe batu babalembwaalile ka kubataluseza za sepiso ya Mulimu ya lifasi lelinca, lelili fakaufi hahulu

Mubuso wa Mesia ukatahisa limbuyoti zeñata hahulu