Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

BUPILO BWALUNA BWA SIKRESTE NI BUKOMBWA—BUKA YA MUKOPANO FEBRUARY 2017

KUPILA SINA BAKRESTE

Mutuse Bana Bamina Kuba ni Tumelo Yetiile ku Mubupi

Mutuse Bana Bamina Kuba ni Tumelo Yetiile ku Mubupi

Pupo izibahaza kanya ya Jehova. (Samu 19:1-4; 139:14) Kono lifasi le, lelizamaiswa ki Diabulosi liluta lituto zeshwaulisa Mulimu ka za simuluho ya lika zepila. (Maro. 1:18-25) Mukona kueza cwañi kuli mutibele mihupulo yecwalo kutoma mibisi mwa minahano ni lipilu za bana bamina? Mubatuse inze basali babanyinyani kuli babe ni tumelo ya kuli Jehova uteñi mi wabatokomela. (2 Makor. 10:4, 5; Maef. 6:16) Mubakupe kutalusa mobaikutwela luli ka za litaba zebaituta kwa sikolo, mi mubafite kwa pilu ka kuitusisa lihatiso zeliteñi.—Liprov. 20:5; Jak. 1:19.

MUBUHE VIDIO YELI: ZEBABULELA LITAKA ZAMINA—KULUMELA KU MULIMU, MI HASAMULAHO MUNYAKISISE LIPUZO ZELATELELA:

  • Ki taba mañi ya buhata yetumile hahulu ka za tumelo ku Mulimu?

  • Bamilutañi kwa sikolo?

  • Kiñi sesi kukolwisa kuli Jehova uteñi?

  • Ukona kutusa cwañi mutu yomuñwi kuutwisisa taba ya kuli Mulimu ki yena yabupile lika kaufela?