Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Buka ya Mukopano wa Bupilo ni Bukombwa  |  February 2017

 LITABA ZA BUTOKWA ZEZWA MWA LINZWI LA MULIMU | ISAYA 52-57

Kreste Naanyandile Bakeñisa Luna

Kreste Naanyandile Bakeñisa Luna

“Naakendiwa mi batu neba mutokolomoha . . . Nelu muunga sina mutu yautwisizwe butuku, yanatilwe ki Mulimu, ni yanyandiswa”

53:3-5

  • Jesu naakendilwe mi naafilwe mulatu wa kuli naanyefuzi Mulimu. Babañwi nebalumela kuli Mulimu naamufa koto, inge kuli naamunata ka butuku bobumaswe

“Neli tato ya Jehova kuli amunyandise, . . . mi ka yena, sesilatwa ki Jehova sikakonda”

53:10

  • Kusina kukakanya, Jehova naautwile butuku kubona Mwanaa hae inzaa bulaiwa. Kono naatabile hahulu kubona Jesu habonisa busepahali bobutuna. Lifu la Jesu nelibonisize kuli taba yanaazusize Satani ka za busepahali bwa batanga ba Mulimu ki ya buhata mi litusa batu bababakela libi zabona. Ka mukwa ocwalo, litahisize kuli “tato ya Jehova” ipetahale