Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

BUPILO BWALUNA BWA SIKRESTE NI BUKOMBWA—BUKA YA MUKOPANO DECEMBER 2016

 KUPILA SINA BAKRESTE

Kufita Baituti Kwa Pilu ka Kuitusisa Buka ya “Mu Tiiseze Mwa Lilato la Mulimu”

Kufita Baituti Kwa Pilu ka Kuitusisa Buka ya “Mu Tiiseze Mwa Lilato la Mulimu”

LIBAKA KUEZA CWALO HAKULI KWA BUTOKWA: Kuli batu balapele Jehova ka nzila yeswanela, batokwa kuituta likuka za Jehova ni kuitusisa zona mwa bupilo bwabona. (Isa. 2:3, 4) Buka yabubeli yeluitutanga ni baituti baluna ba Bibele, yona ya “Lilato la Mulimu,” ibatusa kuziba mobakona kuitusiseza likuka za Mulimu mwa bupilo bwabona bwa ka zazi ni zazi. (Maheb. 5:14) Luswanela kulika ka taata kubafita kwa lipilu halu baluta, ilikuli baikutwe kususuezwa kueza licinceho.—Maro. 6:17.

MWAKUEZEZA CWALO:

  • Muitukiseze hande, ka kubeya mwa muhano lika zekona kutusa muituti wamina. Mulukise lipuzo zemuka buza, zekatahisa kuli muituti wamina ataluse mwaikutwela luli ka za taba yemuituta.—Liprov. 20:5; be 259

  • Muitusise litaba ze mwa tumbokisi hamunze muituta buka ye, kuli mutuse muituti wamina kubona butokwa bwa kusebelisa likuka za Bibele

  • Mutuse muituti wamina kunahanisisa fa litaba zetokwa kuli aitusise lizwalo lahae, kono musike mwamuezeza likatulo.—Magal. 6:5

  • Haiba mulemuha kuli muituti wamina utokwa tuso yamina kuli azibe mwakuitusiseza likuka zeñwi za Bibele, mumutuse ka maseme. Mumususueze ka lilato kueza licinceho kuli atabise Jehova.—Liprov. 27:11; Joa. 14:31