Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

 B1

Taba ya Butokwa Yefumaneha Mwa Bibele

MUBONE
Image
Text

Jehova Mulimu unani tukelo ya kubusa. Ubusa ka nzila yende hahulu. Mulelo wahae ka za lifasi ni batu ukatalelezwa.

Hamulaho wa 4026 B.C.E.

“Noha” ikakanya tukelo ya Jehova ya kubusa ni nzila yabusa ka yona. Jehova usepisa kutahisa ‘mwana,’ kamba “peu,” yakapyata noha, yena Satani, kwapili. (Genese 3:1-5, 15, litaluso ze kwatasi) Kono Jehova ufitisa nako, ili kutuhelela batu kuli baipuse inze bazamaiswa ki Satani.

1943 B.C.E.

Jehova ubulelela Abrahama kuli ‘mwana’ yasepisizwe ukaba yomuñwi wa baikulu bahae.—Genese 22:18.

Hamulaho wa 1070 B.C.E.

Jehova usepisa Mulena Davida mi hamulaho usepisa mwanaa hae Salumoni kuli ‘mwana’ yasepisizwe ukazwelela mwa lusika lwabona.—2 Samuele 7:12, 16; 1 Malena 9:3-5; Isaya 9:6, 7.

29 C.E.

Jehova uzibahaza Jesu kuli ki yena ‘mwana’ yakayola lubona lwa Davida.—Magalata 3:16; Luka 1:31-33; 3:21, 22.

 33 C.E.

Noha, yena Satani, uholofaza ka nakonyana ‘mwana’ yasepisizwe ka kutahisa kuli Jesu abulaiwe. Jehova uzusa Jesu ni kumufa bupilo mwa lihalimu mi uamuhela teko ya bupilo bwa Jesu bobupetehile, ili nto yetusa kuli libi liswalelwe ni kufa batu babasimuluha ku Adama bupilo bobusa feli.—Genese 3:15; Likezo 2:32-36; 1 Makorinte 15:21, 22.

Ibato ba ka 1914 C.E.

Jesu unepela noha, yena Satani, fa lifasi, ili kumutama ka nakonyana. —Sinulo 12:7-9, 12.

Kwapili

Jesu utama Satani ka lilimo ze 1,000 mi kihona amuyundisa, ili kumupyata toho ka swanisezo. Mulelo wa Jehova wa kwa makalelo ka za lifasi ni batu watalelezwa, libizo lahae lene linyefulwanga halisanyefulwa, mi mubusezo wahae uboniswa kuli ki ona olukile.—Sinulo 20:1-3, 10; 21:3, 4.