Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Zakaria 7:1-14

LITABA ZE MWAHALI

  • Jehova unyaza batu babaitima lico ka bupumi (1-14)

    • “Kana luli nemuitimile lico kabakala ka?” (5)

    • ‘Mupilisane ni babañwi ka kuya ka niti ya taba, ka lilato lelisa feli, ni ka sishemo’ (9)

7  Mi ka silimo sabune sa puso ya Mulena Dariusi, linzwi la Jehova lataha ku Zakaria+ fa lizazi labune mwa kweli yabu 9, yona kweli ya Kisilevu.*  Batu ba mwa Betele baluma Sharezeri ni Regemi-meleki ni baana bahae kuli bayo kupa Jehova kuli abashemube,*  kuyo bulelela baprisita ba ndu* ya Jehova wa limpi ni bapolofita kuli: “Kana naswanela kulila mwa kweli yabuketalizoho+ ni kuitima lico sina moniezelize mwahalaa lilimo zeñata hahulu?”  Linzwi la Jehova wa limpi hape lataha ku na, lali:  “Ubulelele batu kaufela ba mwa naha ni baprisita, uli: ‘Hane muitimile lico ni kubokolola mwa kweli yabuketalizoho ni mwa kweli yabu 7+ mwa lilimo ze 70,+ kana luli nemuitimile lico kabakala ka?  Mi hane muca ni kunwa, kana nemusa iceli ni kuinwela ili mina?  Kana hamuswaneli kumamela manzwi anaabulezi Jehova ka bapolofita bakwaikale,+ Jerusalema ni mileneñi yene imupotolohile hane iyahilwe ki batu ni hane ku na ni kozo, ni naha ya Negebe ni ya Shefela* hane liyahilwe?’”  Linzwi la Jehova hape lataha ku Zakaria, lali:  “Jehova wa limpi sabulela ki se, uli: ‘Muatule ka kuya ka niti ya taba,+ mi mupilisane ni babañwi ka lilato lelisa feli+ ni ka sishemo. 10  Musike mwabukula mbelwa kamba mwana yasina ndatahe,*+ muzwahule+ kamba mubotana;+ mi musike mwalelela babañwi zemaswe mwa lipilu zamina.’+ 11  Kono bazwelapili kuhana kuutwa,+ mi banifulalela+ ka mahañi, mi batiba mazebe abona kuli basike bautwa.+ 12  Batatafaza lipilu zabona sina daimani*+ mi nebasa mameli mulao* ni manzwi anaalumile Jehova wa limpi ka moya wahae, ili ka bapolofita bakwaikale.+ Cwale buhali bwa Jehova wa limpi bwabatukela.”+ 13  “‘Sina feela hanebasa utwangi hane nibiza,*+ ni na nenisika utwa hane babiza,’+ kubulela Jehova wa limpi. 14  ‘Mi nabahasanyeza mwa macaba kaufela ene basazibi+ ka moya wa liñungwa, mi naha yasiyala matota, kusina yafita mwateñi kamba kukutela mwateñi;+ kakuli nebafetuzi naha yende kuba nto yesabisa.’”

Litaluso ze kwatasi

Kamba “banolofaze pata.”
Kamba “tempele.”
Kamba “sibaka sesipatami.”
Kamba “ndiala.”
Kamba mwendi, “licwe lelitiile,” sina moliinezi licwe la emeri.
Kamba “taelo.”
Linzwi ka linzwi, “hanaabiza.”