Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Zakaria 10:1-12

LITABA ZE MWAHALI

  • Hamukupe Jehova kuli anelise pula, isiñi milimu ya buhata (1, 2)

  • Jehova ukopanya batu bahae (3-12)

    • Muuna wabutokwa ku ba ndu ya Juda (3, 4)

10  “Hamukupe Jehova kuli anelise pula ka nako ya pula ya maseulo. Ki Jehova yaeza malu atahisa mañungwa,Yaneliseza batu pula,+Ni kufa batu kaufela ­zemela mwa masimu.   Kakuli maswaniso a literafimi* abulezi litaba za bupumi;*Mi balauli baboni lipono za buhata. Babulela za litolo zesina tuso,Mi balika ­kuomba-­omba ka manzwi asina tuso. Ki lona libaka habaka ­yambaela sina lingu. Bakanyanda, kakuli hakuna mulisana.   Buhali bwaka butukela balisana,Mi nikazekisa baeteleli babahatelela batu;*Kakuli Jehova wa limpi ­uisize mamelelo kwa mutapi wahae,+ bona ba ndu ya Juda,Mi utahisize kuli babe sina pizi yahae yekutekeha mwa ndwa.   Ku yena kukazwa muu­na wabutokwa,*Ku yena kukazwa mubusi wa mutusi,*Ku yena kukazwa buta bwa mwa ndwa;Ku yena kukazwa baokameli,* kaufelaa bona.   Mi bakaba sina lindwalume,Bahatikele sileze sa mwa makululu ka nako ya ndwa. Bakalwana ndwa, kakuli Jehova uinzi ni bona;+Mi bapahami ba lipizi bakaswabiswa.+   Nikatiisa ba ndu ya Juda,Mi nikapilisa ba ndu ya Josefa.+ Nika bakutisa hape,Kakuli nika bashemuba;+Mi bakaswana sina batu bane nisika yubeka;+Kakuli ki na Jehova Mulimu wabona, mi nika baalaba.   Ba lusika lwa Efraimi bakaswana sina ndwalume yamaa­ta,Mi lipilu zabona likawabelwa sina babanwile ­waine.+ Bana babona babashimani bakabona lika zeo mi bakataba;Lipilu zabona likataba kabakala Jehova.+   ‘Nika balizeza muloli ni kubakubukanya hamoho;Kakuli nika baliulula,+ mi bakaba babañata,Ni kuzwelapili kuata.   Niha nibahasanya sina peu mwahalaa macaba,Baka nihupula inze bali kwa libaka za kwahule;Bona ni bana babona babashimani, bakakutelwa ki maa­ta mi bakakuta. 10  Nika bakutisa, kubazwisa mwa naha ya EgepitaNi kubakubukanya kubazwisa kwa Asiria;+Nika batisa mwa naha ya Giliadi+ ni ya Lebanoni,Mi habana kukwana mwateñi.+ 11  Ukazamaya mwa liwate kuli atahise ziyezi;Mi ukanata mandinda a mwa liwate;+Mezi kaufela a buliba bwa Nile akaoma. Buikuhumuso bwa Asiria bukafeliswa,Mi mulamu wa bulena wa Egepita ukazwisiwa.+ 12  Nika batiisa kabakala Jehova,+Mi bakazamaya ka libizo lahae,’+ kubulela ­Jehova.”

Litaluso ze kwatasi

Kamba “milimu ya mwa mandu; milimu ya maswaniso.”
Kamba “litaba za mioya; litaba za mabibo.”
Linzwi ka linzwi, “lipuli zabaa­na.”
Linzwi ka linzwi, “tawala ya mwa kona,” yeyemela muu­na wabutokwa; nduna.
Linzwi ka linzwi, “mapo,” yeyemela mutu yali mutusi; mubusi.
Kamba “musebelisi.”