Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Zakaria 1:1-21

LITABA ZE MWAHALI

  • Pizo ya kukutela ku Jehova (1-6)

    • ‘Hamukutele ku na mi nikakutela ku mina’ (3)

  • Pono 1: Bapahami ba lipizi babane (7-17)

    • “Jehova hape ukaomba-omba Sione” (17)

  • Pono 2: Manaka amane ni batu babane bane bali likwala za misebezi ya mazoho (18-21)

1  Ka kweli yabu 8 mwa silimo sabubeli sa puso ya Dariusi,+ linzwi la Jehova lataha ku mupolofita Zakaria*+ mwanaa Berekia mwanaa Ido, lali:  “Jehova naanyemezi hahulu bo ndataa mina.+  “Ubabulelele, uli: ‘Jehova wa limpi sabulela ki se, uli: “‘Hamukutele ku na,’ kubulela Jehova wa limpi, ‘mi nikakutela ku mina,’+ kubulela Jehova wa limpi.”’  “‘Musike mwaba sina bo ndataa mina, kone bashaezi bapolofita bapili kuli: “Jehova wa limpi sabulela ki se, uli: ‘Hamusikuluhe,* mutuhele linzila zamina zemaswe ni likezo zamina zemaswe.’”’+ “‘Kono nebasika utwa, mi nebasika nitokomela,’+ kubulela Jehova.  “‘Bo ndataa mina bakai cwale? Mi kana bapolofita nebapilile kuya kuile?  Kono kana manzwi aka ni litaelo zaka, zene nilaezi batanga baka, bona bapolofita, nelisika bonwa ki bo ndataa mina inze litalelezwa?’+ Kabakaleo, bakutela ku na mi bali: ‘Jehova wa limpi uluezize ka kuya ka linzila zaluna ni likezo zaluna, sina mwanaalelezi.’”+  Ka lizazi labu 24 mwa kweli yabu 11, fo kikuli kweli ya Shebati,* mwa silimo sabubeli sa kubusa kwa Dariusi,+ linzwi la Jehova lataha ku mupolofita Zakaria mwanaa Berekia mwanaa Ido, lali:  “Neniboni pono ka nako ya busihu. Nekunani muuna yanaapahami pizi yefubelu, mi ayema mwa musindi mwahalaa likota za miritele; mi kwamulaho wahae nekunani lipizi zefubelu, ni za bufubelu bobuzwakani ni mubala wa bukunoñu, ni zesweu.”  Kiha nili: “Mulenaaka, batu ba ki bo mañi?” Lingeloi lene libulela ni na laalaba, lali: “Nika kubulelela zabona.” 10  Cwale muuna yanaayemi mwahalaa likota za miritele, ali: “Bao ki bona babalumilwe ki Jehova kuli bazamaye mwa lifasi kai ni kai.” 11  Mi babulelela lingeloi la Jehova lene liyemi mwahalaa likota za miritele, bali: “Luzamaile kai ni kai mwa lifasi, mi bona! Lifasi kaufela likuzize mi kunani kozo.”+ 12  Cwale lingeloi la Jehova, lali: “Wena Jehova wa limpi, ukaanga nako yekuma kai inze usabonisi sishemo sahao ku Jerusalema ni mileneñi ya Juda,+ yona yeuhalifezi mwa lilimo ze 70+ ze?” 13  Jehova aalaba lingeloi lene libulela ni na ka manzwi asishemo ni aomba-omba. 14  Mi lingeloi lene libulela ni na lali ku na: “Uhuweleze, uli: ‘Jehova wa limpi sabulela ki se, uli: “Nilatile Jerusalema ni Sione ka lilato lelituna.+ 15  Nihalifela macaba aiketile+ ka buhali bobutuna, kakuli nenihalifile hanyinyanyi,+ kono bona baekeza kwa ziyezi yabona.”’+ 16  “Kabakaleo, Jehova sabulela ki se, uli: ‘“Nikakutela kwa Jerusalema ka sishemo,+ mi ndu yaka ikayahiwa ku yena,”+ kubulela Jehova wa limpi, “mi muhala wa kumishalisa ukanamululwa fahalimwaa Jerusalema.”’+ 17  “Uhuweleze hape, uli: ‘Jehova wa limpi sabulela ki se, uli: “Mileneñi yaka ikatala bunde hape; mi Jehova hape ukaomba-omba Sione+ ni kuketa Jerusalema hape.”’”+ 18  Cwale natalima mi nabona manaka+ amane. 19  Kiha nibuza lingeloi lene libulela ni na, nali: “Ki lika mañi ze?” Laalaba, lali: “A, ki manaka anaahasanyize Juda,+ Isilaele,+ ni Jerusalema.”+ 20  Cwale Jehova anibonisa batu babane bane bali likwala za misebezi ya mazoho. 21  Nabuza, nali: “Batu bao bataha kuto ezañi?” Ali: “Ao ki ona manaka anaahasanyize Juda kuli mane nekusina yanaakona kunangukisa toho yahae. Batu bao bakataha kuto basabisa, kuto wiseza fafasi manaka a macaba anaayemiselize manaka aona mwahalimu kulwanisa naha ya Juda, kuli batu ba mwateñi bahasane.”

Litaluso ze kwatasi

Lelitalusa “Jehova Uhupuzi.”
Kamba “Hamukute.”