Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Tite 2:1-15

LITABA ZE MWAHALI

  • Tuto yende kwa banana ni babahulu (1-15)

    • Muhane muzamao omaswe (12)

    • Kutukufalelwa misebezi yeminde (14)

2  Kono wena, uzwelepili kubulela litaba zelumelelana ni tuto yende.*+  Baana-bahulu baeze lika ka kusafiteleza, baise pilu kwa lika, babe babanahana hande, batiye mwa tumelo, mwa lilato, ni mwa buitiiso.  Ka mukwa oswana, basali-bahulu bazamaye ka mukwa olukela babakenile, basike baba masawana, kamba kuineela kunwa waine yeñata, babe baluti ba lika zende,  ilikuli baeleze* likalibe kulata baana babona, ni kulata bana babona,  ni kuli babe babanahana hande, babe babakenile, basebeze fa mandu,* baeze lika zende, baipeye kwatasaa baana babona,+ kuli linzwi la Mulimu lisike lanyefulwa.  Ka mukwa oswana, uzwelepili kueleza micaha kuli babe babanahana hande,+  ka kuba mutala wa misebezi yeminde mwa linzila kaufela. Ulute litaba zekenile* ka kuisa kwateñi pilu,+  inze uitusisa manzwi amande* asakoni kulwaniswa,+ kuli balwanisi baswabe, batokwe sesimaswe sebaka lubulela ka sona.+  Batanga baipeye kwatasaa malenaa bona mwa lika kaufela,+ ka kulika kubatabisa, isiñi kukananisana ni bona, 10  basauzwezi malenaa bona,+ kono basepahale ku bona ka kutala, kuli mwa linzila kaufela bakutekehise tuto ya Mupilisi waluna, yena Mulimu.+ 11  Kakuli sishemo sa Mulimu sibonahezi, ili kutisa puluso kwa batu ba mufuta kaufela.+ 12  Siluluta kuhana muzamao omaswe ni litakazo za lifasi+ ni kululuta kupila ka kunahana hande ni ka kuluka ni ka kusepahala ku Mulimu mwa lifasi la cwale,*+ 13  inze lulibelela sepo yaluna yende+ ni kubonahala kokukanya kwa Mulimu yamaata ni kwa Mupilisi waluna, yena Jesu Kreste, 14  yanaatobohile bupilo bwahae bakeñisa luna,+ kuli alulukulule*+ kwa mufuta kaufela wa bupilo bwa kutula mulao mi aikeniseze sicaba sahae sesiipitezi, sesitukufalezwi misebezi yeminde.+ 15  Uzwelepili kubulela litaba ze mi ueleze* ni kukalimela ka maata kaufela.+ Usike watuhelela mutu kukunyaziseza.

Litaluso ze kwatasi

Kamba “yetusa.”
Kamba “balute.”
Kamba “bababalele mandu abona.”
Kamba mwendi, “Ulute ka mukwa okenile.”
Kamba “atusa.”
Kamba “miteñi ye.” Mubone Litaluso za Manzwi.
Linzwi ka linzwi, “aluliulule.”
Kamba “ususueze.”