Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Sinulo 15:1-8

LITABA ZE MWAHALI

  • Mangeloi a 7 asweli likoto ze 7 (1-8)

    • Pina ya Mushe ni ya Ngunyana (3, 4)

15  Mi nabona mwa lihalimu pono yeñwi, yetuna ni yekomokisa, ya mangeloi a 7+ asweli likoto ze 7. Zeo ki zona likoto za mafelelezo, kakuli buhali bwa Mulimu bukafita fa mafelelezo ka zona.+  Mi nabona nto yeswana inge liwate la gilasi+ lelikopani ni mulilo, mi babatuzi+ sibatana ni siswaniso+ sasona ni nombolo ya libizo+ lasona nebayemi kwa liwate la gilasi, inze basweli liharepa za Mulimu.  Nebaopela pina ya Mushe+ mutangaa Mulimu ni pina ya Ngunyana,+ bali: “Misebezi yahao ki yemituna mi yakomokisa,+ wena Jehova* Mulimu, Yamaata Kaufela.+ Linzila zahao lilukile mi ki za niti,+ wena Mulena wa kamita.+  Wena Jehova,* ki mañi luli yasike akusaba, ni yasike akanyisa libizo lahao, kakuli ki wena unosi yasepahala?+ Kakuli macaba kaufela akataha ni kuto lapela fapilaa hao,+ kabakala kuli litaelo zahao zelukile lipatuluzwi.”  Zeo halifelile, natalima, mi sibaka sesikenile sa tende ya bupaki+ sakwalulwa mwa lihalimu,+  mi mangeloi a 7 aanani likoto ze 7+ azwa mwa sibaka sesikenile, aapezi masila a line akenile, abenya, mi naaitamile makanda a gauda mwa lifuba.  Sesiñwi sa libupiwa zepila zeene, safa mangeloi a 7 mikeke ya gauda ye 7 yenetezi buhali bwa Mulimu,+ yapila kamita ni kuya kuile.  Mi sibaka sesikenile satala musi kabakala kanya ya Mulimu+ ni kabakala maata ahae, mi nekusina yanaakona kukena mwa sibaka sesikenile kufitela likoto ze 7+ za mangeloi a 7 lifezwa.

Litaluso ze kwatasi