Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 7:1-13

LITABA ZE MWAHALI

  • Mulena (1-9a)

    • “Wakateleha luli, wena musizana yalatiwa” (6)

  • Kalibe (9b-13)

    • “Na, ni wa mulatiwa waka, mi ki na yalakazwa ki yena” (10)

7  “Mahutu ahao ki amande hahulu haali mwa makaulo, Wena mwanaa musizana yanani pilu yende! Malupi ahao abupehile sina likabisa, Zeezizwe ki sikwala sa misebezi ya mazoho.   Mukubu wahao ki mukeke wa kwiti wa laundi. Waine yezwakilwe isike yafela mwateñi. Mba yahao ki libunda la buloto, Lelipotolohilwe ki mayangayanga.   Mazwele ahao amabeli aswana sina twana twa kamunda totubeli, Twana twa mambile twa kamunda.+  Mulala wahao+ uswana sina tawala ya manaka a tou.+ Meeto ahao+ aswana sina tusa twa mwa Heshiboni,+ Totuli bukaufi ni munyako wa Bati-rabimi. Ngo yahao iswana sina tawala ya Lebanoni, Yetalimezi kwa neku la Damaseka.   Toho yahao ikukabisa sina lilundu la Karmele,+ Mi milili* yahao+ iswana sina boya bwa folofolo bwa mubala wa pulipela.+ Mulena uhapilwe* ki milili yahao yemitelele yewile hande.   U yomunde hahulu, mi wakateleha luli, Wena musizana yalatiwa, kufita lika kaufela zetabisa!   Siyemo sahao siswana sina kota ya nzalu, Mi mazwele ahao aswana sina sishañata sa miselo ya nzalu.+   Neniize: ‘Nikapahama kota ya nzalu Kuli niswale kwa mitai yayona ya miselo.’ Haike mazwele ahao aswane sina sishañata sa miselo ya veine, Moya oubuyela uswane sina munko omunati wa maapule,   Mi mulomo wahao uswane sina waine yende hahulu.” “Haike ishulumukele wa lilato laka ka bubebe, Ishulumuke hande fa milomo ya batu babalobezi. 10  Na, ni wa mulatiwa waka,+ Mi ki na yalakazwa ki yena. 11  Wena wa lilato laka, hakutahe, Haluye mwa masimu; Luyo ina mwahalaa limela za hena.+ 12  Haluzuhe, lupakelele kwa masimu a likota za veine Luyo bona haiba likota za veine limelile,* Haiba lipalisa litubuzi,+ Haiba likota za pomegaraneti litubuzi lipalisa.+ Mi kwateñi nika kubonisa lilato laka.+ 13  Litolwana+ litahisa munko wazona omunde; Kwa minyako yaluna kunani mifuta kaufela ya litolwana zende.+ Zenca hamohocwalo ni zakale, Nikubulukezi zona, wena wa lilato laka.

Litaluso ze kwatasi

Linzwi ka linzwi, “toho.”
Kamba “uungilwe.”
Kamba “lishoshezi.”