Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 6:1-13

LITABA ZE MWAHALI

  • Bana babasizana ba mwa Jerusalema (1)

  • Kalibe (2, 3)

    • “Na, ni wa mulatiwa waka, mi mulatiwa waka ki waka” (3)

  • Mulena (4-10)

    • “U yomunde sina Tiriza” (4)

    • Manzwi a basali akutezwi (10)

  • Kalibe (11, 12)

  • Mulena (ni babañwi) (13a)

  • Kalibe (13b)

  • Mulena (ni babañwi) (13c)

6  “Wa lilato lahao uile kai, Wena yomunde hahulu kwa basali? Wa lilato lahao uile ka nzila ifi? Kashe lukubatise yena.”   “Wa lilato laka ushetumukezi kwa simu yahae, Kwa mikomena ya limela zenunka hande, Kuyo liseza mwahalaa masimu Ni kuyo yanga mayangayanga.+   Na, ni wa wa lilato laka, Mi wa lilato laka ki waka.+ Uliseza mutapi wahae mwahalaa mayangayanga.”+   “Wena mulatiwa waka,+ u yomunde sina Tiriza,*+ Ubuheha sina Jerusalema,+ Bunde bwahao bwakomokisa sina limpi zepotolohile lindembela zazona.+   Biula meeto+ ahao ku na, Kakuli anitulisa pilu. Milili yahao iswana sina mutapi wa lipuli Zeshetumuka fa linjetumuko za Giliadi.+   Meeno ahao aswana sina mutapi wa lingu Zezwa kwa kutapiswa, Kaufelaa zona lizwala mambile, Mi hakuna yeshwezwi ki mwanaa yona.   Sina lineku la muselo wa pomegaraneti Ni malama ahao acwalo hauikwahezi lisila kwa pata.   Kwakona kuba ni baoli ba 60 Ni liendi ze 80 Ni likalibe zeñata hahulu zesakonahali kubaliwa.+   Kono liiba laka ki alimuñwi feela,+ yena yasanyazahali. Ki yena alimuñwi feela ku mahe. Ki yena yaoliswa ki* mahe yamupepile. Bana babasizana bamubona, mi babulela kuli ki yatabile; Baoli ni liendi bamulumbaeta. 10  ‘Ki mañi yo yabenya* sina liseli la masa hapatalala, Yomunde sina kweli yetezi, Yakenile sina liseli la lizazi, Yo bunde bwahae bukomokisa sina limpi zepotolohile lindembela zazona?’”+ 11  “Nashetumukela kwa simu ya likota za nati+ Kuyo bona limela zenca mwa musindi,* Kuyo bona haiba likota za veine limelile,* Ni kuyo bona haiba likota za pomegaraneti litubuzi lipalisa. 12  Nisika lemuha sesiñwi, Takazo yaka yaniisa Kwa likoloi za batu baka, babakutekeha.”* 13  “Kuta, kuta, wena Mushulamiti! Kuta, kuta, Luto kubona!” “Kiñi hamubuha Mushulamiti?”+ “Uswana sina likwata zepeli zebina!”*

Litaluso ze kwatasi

Kamba “Muleneñi Obuheha.”
Linzwi ka linzwi, “yatwekile ku.”
Linzwi ka linzwi, “yatalimela fafasi.”
Kamba “mulapo.”
Kamba “lishoshezi.”
Kamba “babaitatela.”
Kamba “mubinelo wa Mahanaimi.”