Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 5:1-16

LITABA ZE MWAHALI

  • Mulisana (1a)

  • Basali ba mwa Jerusalema (1b)

    • “Mukolwe kabakala lilato!”

  • Kalibe (2-8)

    • Utalusa tolo yahae

  • Bana babasizana ba mwa Jerusalema (9)

    • “Wa lilato lahao ufita cwañi mutu ufi kamba ufi?”

  • Kalibe (10-16)

    • “Uzwile mubano mwahalaa batu ba 10,000” (10)

5  “Nikeni mwa simu yaka,+ Wena kaizelaaka, munyaliwa waka. Niingile mira yaka ni limela zaka zenunka hande.+ Nicile sikukula saka ni linosi zaka; Ninwile waine yaka ni mabisi aka.”+ “Hamuce, mina balikani! Munwe mi mukolwe kabakala lilato!”+   “Nilobezi, kono pilu yaka yatona.+ Niutwa mulumo wa wa lilato laka hangongota!” “Nikwalulele, wena kaizelaaka, wena mulatiwa waka, Wena liiba laka, wena yasanyazahali waka! Kakuli puka inikolobisize kwa toho, Milili yaka ikolobisizwe ki mukamo wa busihu.”+   “‘Ki kale nitubula siapalo saka. Nisiapale hape nji? Nitapile kale kwa mahutu. Niataze masila hape nji?’   Wa lilato laka azwisa lizoho lahae mwa lisuba la sikwalo, Mi pilu yaka yamulakaza.   Nazuha kuli ni kwalulele wa lilato laka; Mazoho aka alotisa mira, Mi minwana yaka yalotisa mezi a mira, Yalotela maswalelo a sipakiso.   Nakwalulela wa lilato laka, Kono wa lilato laka naasamenuhile, naasaile. Nazwafa hahulu hanaaile. Namubata, kono nenisika mufumana.+ Namubiza, kono naasika nialaba.   Balibeleli hane bapotoloha kulibelela muleneñi, banifumana. Baninata, mi baniholofaza. Balibeleli ba mamota baniamuha lisila laka.   Mina bana babasizana ba mwa Jerusalema, namikonkisa, nili: Haiba mufumana wa lilato laka, Mumubulelele kuli lilato laka ku yena lanikulisa.”   “Wa lilato lahao ufita cwañi mutu ufi kamba ufi yalatiwa ki babañwi, Wena yomunde hahulu mwahalaa basali kaufela? Wa lilato lahao ufita cwañi mutu ufi kamba ufi yalatiwa ki babañwi, Kuli ulukonkise cwalo?” 10  “Wa lilato laka ki yomunde mi ki yomufubelu; Uzwile mubano mwahalaa batu ba 10,000. 11  Toho yahae ki gauda, yona gauda yekenile hahulu. Milili yahae iswana sina matali a likota za nzalu apepela,* Ki yeminsu inge liñwalala. 12  Meeto ahae aswana sina maiba ainzi kwa linukana za mezi, Aanze atapa mwa mabisi, Ainzi kwatuko ni lisa leliyuboka mezi.* 13  Malama ahae aswana sina mikomena ya limela zenunka hande,+ Ki tuzulu twa licalo zenunka hande. Milomo yahae ki mayangayanga, ilotisa mezi a mira.+ 14  Minwana ya kwa mazoho ahae ki ya gauda, iezizwe ka krisolito. Mba yahae ki lunaka lwa tou lolubenyisizwe hande, lolukwahezwi ka macwe a safiro. 15  Mahutu ahae ki misumo ya marabulu yetomilwe fa matomelo a gauda yende hahulu. Ubonahala inge Lebanoni, sina likota za sidare zefita likota zeñwi kaufela.+ 16  Mulomo* wahae umunati hahulu, Mi ki yomunde mwa linzila kaufela.+ Mina bana babasizana ba mwa Jerusalema, yo ki yena wa lilato laka, ki yena mulatiwa waka.”

Litaluso ze kwatasi

Kamba mwendi, “sina sishañata sa miselo ya nzalu.”
Kamba mwendi, “kwa matuko a liweluwelu.”
Linzwi ka linzwi, “Mwahanu.”