Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 4:1-16

LITABA ZE MWAHALI

  • Mulisana (1-5)

    • “U yomunde, wena mulatiwa waka” (1)

  • Kalibe (6)

  • Mulisana (7-16a)

    • ‘Uhapile pilu yaka, wena munyaliwa waka’ (9)

  • Kalibe (16b)

4  “Bona! U yomunde, wena mulatiwa waka. Bona! U yomunde. Meeto ahao ki meeto a maiba hauikwahezi lisila kwa pata. Milili yahao iswana sina mutapi wa lipuli Zeshetumuka fa malundu a Giliadi.+   Meeno ahao aswana sina mutapi wa lingu zesazo kutiwa boya Zezwa kwa kutapiswa, Kaufelaa zona lizwala mambile, Mi hakuna yeshwezwi ki mwanaa yona.   Milomo yahao iswana sina bwanda bwa bufubelu bobutona, Mi lipulelo zahao zakateleha. Sina lineku la muselo wa pomegaraneti Ni malama ahao acwalo hauikwahezi lisila kwa pata.   Mulala wahao+ uswana sina tawala ya Davida,+ Yeyahilwe ka mibamba ya macwe Fokupahekilwe litebe ze 1,000, Zona litebe kaufela za laundi za baana babamaata.+   Mazwele ahao amabeli aswana sina twana twa kamunda totubeli, Tona twana twa kamunda twa mambile,+ Totufula mwahalaa mayangayanga.”   “Kufitela lizazi lifola,* mi ni miluti ifela, Nikaikela kwa lilundu la mira Ni kwa lilundunyana la insense yesweu.”+   “Wena mulatiwa waka, u yomunde kufeleleza,+ Hakuna sesinyazahala ku wena.   Haluye hamoho, luzwe mwa Lebanoni, wena munyaliwa waka, Haluye hamoho, luzwe mwa Lebanoni.+ Shetumuka kuzwa fa ngo ya lilundu la Amana, Kuzwa fa ngo ya lilundu la Seniri, fa ngo ya lilundu la Hermoni,+ Kuzwa mwa misima ya litau, kwa malundu a lingwe.   Uhapile pilu yaka,+ wena kaizelaaka, munyaliwa waka, Uhapile pilu yaka ka kunitalima feela hañwi ka meeto ahao, Ka kabisa iliñwi ya kwa sifaha sahao. 10  Lilato lahao leu nibonisa ki lelinde hahulu,+ wena kaizelaaka, munyaliwa waka! Lilato lahao leu nibonisa ki lelinde hahulu kufita waine,+ Mi sende yahao inunka hande hahulu kufita limela zenunka hande kaufela!+ 11  Wena munyaliwa waka, milomo yahao ilota linosi za mwa sikukula.+ Linosi ni mabisi li kwatasaa lulimi lwahao,+ Mi munko omunde wa liapalo zahao uswana sina munko omunde wa kwa Lebanoni. 12  Wena kaizelaaka, munyaliwa waka, uswana sina simu yekwalilwe, U simu yekwalilwe, u liweluwelu lelikwahezwi. 13  Matali* ahao aashoshela ki paradaisi* ya likota za pomegaraneti Ya litolwana zende hahulu, hamoho ni limela za hena ni za sende, 14  Limela za sende+ ni safrani, lutaka+ lolununka hande ni sinamoni,+ Ni mifuta kaufela ya likota za insense yesweu, mira, ni aloe,+ Hamohocwalo ni mifuta kaufela ya sende yende hahulu.+ 15  U liweluwelu la mwa simu, lisima la mezi amande, Ni linukana zebuba kuzwa kwa Lebanoni.+ 16  Hakuzuhe, wena moya wa kwa mutulo; Kena, wena moya wa kwa mboela. Hakufukele mwa simu yaka. Munko wa mwateñi omunde uutwahale kai ni kai.” “Mulatiwa waka atahe mwa simu yahae Mi ace miselo yeminde hahulu ya mwateñi.”

Litaluso ze kwatasi

Linzwi ka linzwi, “lizazi lifukisa moya.”
Kamba mwendi, “Makapi.”
Kamba “simu.”