Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Pina ya Salumoni 2:1-17

LITABA ZE MWAHALI

  • Kalibe (1)

    • “Ni palisa feela ya safrani”

  • Mulisana (2)

    • ‘Mulatiwa waka uswana sina liyangayanga’

  • Kalibe (3-14)

    • ‘Musike mwazusulusa lilato leli ku na kufitela liitahela ililona’ (7)

    • Manzwi a mulisana akutezwi (10b-14)

      • “Wena yabuheha waka, taha, luye hamoho” (10b, 13)

  • Likaizeli za kalibe (15)

    • “Muluswalele mawawa”

  • Kalibe (16, 17)

    • “Wa lilato laka ki waka, mi na, ni wahae” (16)

2  “Ni palisa feela ya safrani ya mwa libala, Liyangayanga la mwa misindi.”+   “Sina liyangayanga leli mwahalaa miutwa, Ni mulatiwa waka ucwalo mwahalaa bana babasizana.”   “Sina kota ya apule ye mwahalaa likota za mwa mushitu, Ni wa lilato laka ucwalo mwahalaa bana babashimani. Nilakaza hahulu kuina mwa muluti wahae, Mi muselo wahae umunati ku na.   Anitisa mwa ndu ya mukiti,* Mi lilato lahae neli ndembela yefuka fahalimwaa ka.   Muniwetuluse ka mañende a miselo ya veine yeomile;+ Munifepe ka maapule, Kakuli lilato laka ku yena lanikulisa.   Lizoho lahae la nzohoto li kwatasaa toho yaka, Mi lizoho lahae la bulyo lanikumbata.+   Mina bana babasizana ba mwa Jerusalema, namikonkisa, Ka tumunda+ ni ka mazwii a basali a mwa naheñi, nili: Musike mwalika kuzusa kamba kuzusulusa lilato leli ku na kufitela liitahela ili lona.+   Niutwa linzwi la wa lilato laka! Hamubone! Ki yo wataha, Utaha inze apahama malundu, inze atulaka malundunyana.   Wa lilato laka uswana sina kamunda, sina lizwii lamwana lamuuna.+ Ki yani, uyemi kwabuse bwa limota laluna, Utalimela mwa mahaulo, Unangelela mwa masuba a lihaulo.  10  Wa lilato laka wabulela, uli ku na: ‘Zuha, wena mulatiwa waka, Wena yabuheha waka, taha, luye hamoho. 11  Hakubone! Maliha* saafelile. Pula ifelile mi iile. 12  Lipalisa selibonahala kutubula mwa naha,+ Nako ya kukolela likota ki kale ifita,+ Mi pina ya liiba yautwahala mwa naha.+ 13  Kota ya feiga ibuzwisa miselo yayona ya makalelo;+ Likota za veine litubuzi, mi liutwahaza munko wazona omunde. Zuha, wena mulatiwa waka, mi utahe. Wena yabuheha waka, taha, luye hamoho. 14  Wena liiba laka, wena ya mwa sibaka sesikuzize sa mwa macwe,+ Mwa sibaka sa mukunda sa mwa liñope, Kashe nikubone mi niutwe kwateñi linzwi lahao,+ Kakuli linzwi lahao limunati mi wabuheha luli.’”+ 15  “Muluswalele mawawa, Bana ba mawawa babasinya masimu a likota za veine, Kakuli masimu aluna a likota za veine atubuzi lipalisa.” 16  “Wa lilato laka ki waka, mi na, ni wahae.+ Uliseza mutapi wahae+ mwahalaa mayangayanga.+ 17  Kufitela lizazi lifola,* mi ni miluti ifela, Ukute kapili, wena wa lilato laka, Sina kamunda+ kamba lizwii la mwana+ lamuuna fa malundu a mwahalaa luna.*

Litaluso ze kwatasi

Linzwi ka linzwi, “ndu ya waine.”
Kamba “Matabula.”
Linzwi ka linzwi, “lizazi lifukisa moya.”
Kamba mwendi, “malundu aakauhani.” Kamba “malundu a Betere.”